13.05.2026 | 21:10
Անցում՝ նախագահականի, համաներում, երդվյալ ատենակալներ. ինչ են խոստանում քաղաքական ուժերը․ ՏԵՍԱՆՅՈՒԹ
«86.600 կմ²-ն ներառում է նաև Արցախը»․ քարտեզագետներ
Քաղաքականություն
14.05.2023 | 22:38
Բրյուսելում այսօր կայացած Փաշինյան-Ալիև-Միշել եռակողմ հանդիպումից հետո ԵՄ նախագահ Շառլ Միշեը հանդես է եկել հայտարարությամբ, որում, մասնավորապես, ասել է․
«Ղեկավարները հաստատել են իրենց միանշանակ հավատարմությունը 1991թ. Ալմաթիի հռչակագրին և Հայաստանի՝ 29800 կմ² և Ադրբեջանի՝ 86600 կմ² համապատասխան տարածքային ամբողջականությանը: Սահմանի վերջնական սահմանազատումը կհամաձայնեցվի բանակցությունների միջոցով»։
Ադրբեջանի տարածքը, ըստ Վիքիպեդիայի, կազմում է 86.500 կմ²՝ ԼՂ տարածքը ներառյալ։ Ասել է թե՝ հաստատելով իր հանձնառությունը Ադրբեջանի տարածքային ամբողջականությանը՝ 89.600 կմ² շրջանակում, Հայաստանը ճանաչո՞ւմ է Լեռնային Ղարաբաղն Ադրբեջանի կազմում։ Այս հարցի շուրջ փորձեցինք մեկնաբանություն ստանալ ՀՀ կառավարության լրատվականից, որտեղից, սակայն, մեզ հորդորեցին դիմել գրավոր հարցմամբ։
Քարտեզագիր Ռուբեն Գալչյանը մեզ հետ զրույցում նշեց, որ 86.600 կմ²-ը ներառում է նաև Արցախը։
«Իհարկե 86.600 կմ² ներառում է նաև Արցախը։ Այդ քարտեզը գծվել է 1940-ականներին, իսկ վերջին հրատարակությունը եղել է 1970-75 թվականներին։ Այս նույն քարտեզների հիման վրա էլ անկախացել են»,- ասաց Գալչյանը։
Քարտեզագետ Սամվել Մելիքսեթյանը ևս Factor.am-ի հետ զրույցում նշեց, որ Շառլ Միշելի հայտարարած թիվը՝ 86,600 կմ² տարածքը, որը վերագրվում է Ադրբեջանի տարածքային ամբողջականությանը, ներառում է Արցախը։
«Սա ենթադրում է նաև Արցախի ներառումը։ Առանց Արցախի դա կլիներ 82, 200 կմ², առնվազն նախկին ԼՂԻՄ տարածքը 4,400 կմ² է»,- ասաց քարտեզագետը։
Նարեկ Կիրակոսյան
