16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Մեկնարկել է Իլhամ Ալիևի ու Շառլ Միշելի հանդիպումը Բրյուսելում
Քաղաքականություն
14.05.2023 | 11:33
Բրյուսելում մեկնարկել են եվրոպական խորհրդի նախագահ Շառլ Միշելի բանակցությունները Ադրբեջանի նախագահ Իլհամ Ալիևի հետ, հայտնում են ադրբեջանական լրատվամիջոցները։
Նշենք,ո որ Ալիևը Բրյուսելում հանդիպել էր նաև Եվրահանձնաժողովի փոխնախագահ Մարել Շեֆչովիչի հետ ու քննարկել էներգետիկ համագործակցության հարցեր։
ՀՀ վարչապետ Նիկոլ Փաշինյանը ևս նախօրեին մեկնել է Բրյուսել։ Նա ոչ ֆորմալ հանդիպում էր անցկացրել Շառլ Միշելի հետ։ Զրուցակիցները մտքեր են փոխանակել տարածաշրջանում հաստատված ռազմաքաղաքական և հումանիտար իրադրության շուրջ:
«Վարչապետ Փաշինյանն անդրադարձել է վերջին օրերի ընթացքում Հայաստանի Հանրապետության ինքնիշխան տարածքի նկատմամբ ադրբեջանական զինված ուժերի սադրիչ և ագրեսիվ գործողությունների հետևանքով ստեղծված իրավիճակին, որոնք միտված են խաթարել խաղաղ բանակցությունները շարունակելուն ուղղված ջանքերը:
Քննարկվել են Ադրբեջանի կողմից Լաչինի միջանցքի ապօրինի շրջափակման հետևանքով ԼՂ-ում ստեղծված հումանիտար ճգնաժամին, Հայաստանի և Ադրբեջանի միջև հարաբերությունների կարգավորմանը վերաբերող հարցեր:
Անդրադարձ է կատարվել ապրիլի 14-ին նախատեսված ՀՀ վարչապետի, Եվրոպական խորհրդի նախագահի և Ադրբեջանի նախագահի եռակողմ հանդիպմանը և ընդգծվել հունիսի 1-ին Քիշնևում՝ Եվրոպական քաղաքական համայնքի գագաթնաժողովի շրջանակներում, Ֆրանսիայի նախագահ Էմանուել Մակրոնի և Գերմանիայի կանցլեր Օլաֆ Շոլցի մասնակցությամբ հնգակողմ հանդիպում անցկացնելու կարևորությունը»,- ասված է ՀՀ վարչապետի մամուլի գրասենյակի տարածած հաղորդագրության մեջ:
Այսօր ավելի ուշ սպասվում են Փաշինյանի, Միշելի ու Ալիևի եռակողմ բանակցությունները։
