06.06.2026 | 17:50
Ընտրական հանցագործությունների գործերով ձերբակալվել է 194, քրեական հետապնդման ենթարկվել՝ 209 անձ. ՀԿԿ
Իսպանացի բժիշկներն անվճար վիրահատություններ են կատարել Գավառ և Բերդ քաղաքներում
13.05.2023 | 15:30
Իսպանացի բժիշկները, որոնք անցած օրերին անվճար վիրատահատություններ են կատարել Հայաստանի Գավառ և Բերդ քաղաքներում, իրենց առաքելությունն ավարտել են Հայաստանի առողջապահության նախարար Անահիտ Ավանեսյանի հետ հանդիպմամբ։
Ինչպես հայտնեցին ՀՀ առողջապահության նախարարությունից, վիրաբույժները մայիսի 7-13-ը երեք տասնյակից ավելի անվճար վիրահատություններ են կատարել բնակիչների շրջանում` տարբեր պաթոլոգիաների բուժման համար:
Այցն իրականացվել է Առողջապահության նախարարության, Առողջապահության ազգային ինստիտուտի, «ԱՄԱԴԵԱ» բժշկական ասոցիացիայի և տեղի բժշկական կենտրոնների համագործակցությամբ:
Անահիտ Ավանեսյանը բժիշկներից հետաքրքրվել է առաքելության իրականացման արդյունքներով, կարևորել համագործակցությունը, ծառայությունների հասանելիությունն ու մասնագետների միջև փորձի փոխանակումը:
