26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Մարտունու պետական բժշկական քոլեջում անցկացվեց ցուցադրական հատուկ տակտիկական ուսումնավարժություն
Հասարակություն
13.05.2023 | 15:17
Գեղարքունիքի մարզի Մարտունի քաղաքի պետական բժշկական քոլեջում անցկացվեց ցուցադրական հատուկ տակտիկական ուսումնավարժություն՝ «Հրդեհաշիջման եւ որոնողափրկարարական աշխատանքների իրականացումն ուսումնական հաստատություններում» թեմայով։
Ուսումնավարժության նպատակն է կատարելագործել արձագանքող ուժերի փոխգործողությունները, գործնական հմտությունները` պայթունի հետևանքով առաջացած հրդեհի հրդեհաշիջման և փլատակներում որոնողափրկարարական աշխատանքներ կատարելիս։
Ինչպես տեղեկացրին Գեղարքունիքի մարզպետի աշխատակազմից, ուսումնավարժությանը ներգրավված էին Գեղարքունիքի մարզպետի աշխատակազմի, ՓԾ Գեղարքունիքի մարզային փրկարարական վարչության, ՓԾ Գեղարքունիքի ՄՓՎ Մարտունու հրշեջ փրկարարական ջոկատի, Մարտունու պետական բժշկական քոլեջի, ՆԳՆ Ոստիկանության Գեղարքունիքի մարզային վարչության Մարտունու բաժնի, Մարտունու բժշկական կենտրոնի, «Գազպրոմ Արմենիա» ՓԲԸ Մարտունու տարածքային տեղամասի վթարավերականգնողական, «Հայկական Էլեկտրական Ցանցեր» ՓԲԸ Մարտունու տեղամասի վթարավերականգնողական խմբերի պատասխանատու աշխատակիցներ։
Ուսումնավարժության նախապատրաստական, կազմակերպչական եւ անցկացման փուլերն ընթացել են կազմված պլանով։ Ուսումնավարժության ավարտի եւ արդյունքների ամփոփման ընթացքում ղեկավարը գնահատել է ուսուցանվողների գործողություները, նշել թերությունները, տվել հանձնարարականներ՝ դրանց վերացման ուղղությամբ։
