14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Բայրամովը Խովաևի հետ քննարկել է Հայաստանի հետ խաղաղության բանակցությունները
Քաղաքականություն
12.05.2023 | 18:24
Ադրբեջանի ԱԳ նախարար Ջեյհուն Բայրամովը Բաքվում ընդունել է ԵԱՀԿ Մինսկի խմբի ռուսաստանցի համանախագահ, Հայաստանի և Ադրբեջանի միջև հարաբերությունների կարգավորմանն աջակցելու հարցերով ՌԴ արտաքին գործերի նախարարի հատուկ ներկայացուցիչ Իգոր Խովաևին։
Ադրբեջանի ԱԳՆ-ն հայտնում է, որ Բայրամովը նշել է Բաքվի դիրքորոշումն ու առաջնահերթությունները խաղաղ համաձայնագրի շուրջ բանակցություններում, ինչպես նաև ակնկալիքները։ Նա խոսել է նաև, իբր, «Հայաստանի սադրիչ քայլերի մասին, որոնք խաթարում են խաղաղության գործընթացն ու բանակցությունները»։
Խովաևն էլ ասել է, որ տարածաշրջանում խաղաղության և կայունության ապահովումը չափազանց կարևոր է, և ռուսական կողմը պատրաստ է ցանկացած աջակցություն ցուցաբերել այս ուղղությամբ։
Հավելենք, որ ՌԴ ԱԳՆ ներկայացուցիչն ավելի վաղ հանդիպումներ էր անցկացրել Երևանում։
Էմմա Չոբանյան
