13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Լեհաստանի Սենատը պաշտպանել է ՆԱՏՕ-ին Ուկրաինայի անդամակցությունը
Քաղաքականություն
12.05.2023 | 14:26
Մայիսի 12-ին Լեհաստանի Սենատը միաձայն բանաձև է ընդունել ՆԱՏՕ-ին Ուկրաինայի միանալու մասին, փոխանցում է korrespondent-ը։
«Մեկ տարվա սարսափելի պատերազմից հետո մենք գիտենք, որ Ուկրաինան, դիմակայելով Ռուսաստանին, պաշտպանում է Եվրոպան և հանդիսանում է մայրցամաքը Արևելքի ագրեսիայից պաշտպանող առանցքային օղակ»,- ասվում է փաստաթղթում։
Նշվում է, որ Ուկրաինան ունի «մայրցամաքի ամենաուժեղ բանակը՝ արտասովոր մարտական փորձով» և արագորեն անցնում է ՆԱՏՕ-ի տեխնիկայի։
Բանաձևում նշվում է, որ Վիլնյուսում դաշինքի առաջիկա գագաթնաժողովի ժամանակ Ուկրաինան պետք է ստանա «շատ ավելին, քան բաց դռների քաղաքականության վերաբերյալ նախնական հայտարարություններում»։ Վիլնյուսի գագաթնաժողովը պետք է դառնա նաև դաշինքին լիիրավ անդամակցության՝ Կիևի նախապատրաստման կարևոր փուլ։
Լեհաստանի Սենատը կարծում է, որ Ուկրաինայի անդամակցությունը ՆԱՏՕ-ին պետք է քաղաքական որոշում լինի, ինչպես Ֆինլանդիայի և Շվեդիայի դեպքում, և կոչ է անում «նմանատիպ արտակարգ ընթացակարգ» կիրառել երկրի նկատմամբ:
Հիշեցնենք, որ ՆԱՏՕ-ի հաջորդ գագաթնաժողովը տեղի կունենա հուլիսի 11-12-ը Լիտվայի մայրաքաղաքում։ Ուկրաինան ակնկալում է միանալու «հստակ ազդանշան» ստանալ։
Տաթև Ֆռանգյան
