11.12.2024 | 21:17
Հակոբ Ասլանյանը փոշմանել է, բայց արդեն ուշ է․ նա հեռացվեց ՔՊ-ից
Ուկրաինայի զորքերը սկսել են նախապատրաստվել հակահարձակման․ CNN
Քաղաքականություն
12.05.2023 | 12:26
Ուկրաինական ուժերը սկսել են ուրվագծել գործողությունները ռուսական ուժերի դեմ սպասվող հակահարձակումից առաջ, CNN-ին ասել են ամերիկացի բարձրաստիճան զինվորականները։ Գործողությունների պլանը ներառում է հարվածներ այնպիսի թիրախների դեմ, ինչպիսիք են զինապահեստները, հրամանատարական կենտրոնները, զրահատեխնիկան և հրետանային համակարգերը, և նպատակ ունի նախապատրաստել մարտադաշտը հարձակման: Սա ստանդարտ մարտավարություն է, որն օգտագործվում է խոշոր համակցված գործողություններից առաջ, գրում է CNN-ը:
Երբ Ուկրաինան անցած ամառվա վերջին հակահարձակում ձեռնարկեց երկրի հարավային և հյուսիսարևելյան հատվածներում, դրան նախորդեցին նաև օդային հարձակումները:
ԱՄՆ բարձրաստիճան զինվորականի խոսքով՝ այս գործողությունները կարող են շարունակվել բավականին երկար՝ նախքան պլանավորված հարձակման հիմնական մասը: Նման օպերացիաները կարող են նաև հակառակորդին խճճելու նպատակ ունենալ։
Ուկրաինայի նախագահ Վլադիմիր Զելենսկին ավելի վաղ հայտարարել էր, որ Ուկրաինային «էլի ժամանակ է անհրաժեշտ» մինչ հակագրոհ սկսելը, որպեսզի խոստացված արևտմյան օգնությունը հասնի երկիր։
