16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԵՄ-ն փորձում է Պեկինին համոզել` ավելի կոշտ դիրքորոշում ցուցաբերել պատերազմի հարցում
Քաղաքականություն
12.05.2023 | 14:43
Եվրամիության արտաքին գործերի նախարարները ուրբաթ կհանդիպեն Ստոկհոլմում՝ քննարկելու Եվրոպայի կախվածությունը Չինաստանից նվազեցնելու ընդհանուր մոտեցումը և Պեկինին համոզելու՝ ավելի կոշտ դիրքորոշում ընդունել Ուկրաինա Ռուսաստանի ներխուժման հարցում, գրում է BBC-ի ռուսական ծառայությունը:
Այս շաբաթվա սկզբին ելույթ ունենալով Եվրախորհրդարանում՝ Գերմանիայի կանցլեր Օլաֆ Շոլցը խոստովանեց, որ Բրյուսելի և Պեկինի միջև հարաբերությունները գնալով ավելի են կոշտանում, քանի որ «Չինաստանի կողմից մրցակցությունն ավելի է ուժեղացել»։
Չինաստանի դժգոհությունն է առաջացրել ԵՄ առաջարկը՝ սահմանափակել որոշ տեխնոլոգիաների արտահանումը չինական ութ ընկերությունների կողմից, որոնք կասկածվում են դրանք Ռուսաստան մատակարարելու մեջ։
Այս շաբաթ եվրոպական շրջագայության ժամանակ Չինաստանի արտաքին գործերի նախարար Ցին Գանը նախազգուշացրել է, որ Պեկինը կպատասխանի, եթե ԵՄ-ն պատժամիջոցներ սահմանի:
Չինաստանի ԱԳՆ ղեկավարի հետ Բեռլինում երկու ժամ տևած հանդիպումից հետո նրա գերմանացի գործընկեր Աննալենա Բերբոքը հայտարարել է, որ Չինաստանը պետք է ավելի շատ ջանքեր գործադրի հակամարտությունը դադարեցնելու համար։
Ֆրանսիայի արտաքին գործերի նախարար Կատրին Կոլոննան նույնպես Ցինի հետ խոսել է համաշխարհային խաղաղության և կայունության մեջ Չինաստանի կարևոր դերի մասին:
Ստոկհոլմում հանդիպումը չի ենթադրում որևէ կոնկրետ որոշում, նշում է AFP-ն, սակայն դրա մասնակիցները հույս ունեն, որ բանակցությունները կդրդեն ԵՄ-ին ավելի մեծ միասնության՝ հաղթահարելու Պեկինի ստեղծած խնդիրները։
Տաթև Ֆռանգյան
