14.12.2025 | 19:26
Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին
«Վագների» հիմնադիր Պրիգոժինը Շոյգուին Բախմուտ է հրավիրել
Քաղաքականություն
12.05.2023 | 13:57
«Վագներ» ռազմականացված խմբավորման ղեկավար Եվգենի Պրիգոժինի մամուլի ծառայության Telegram ալիքում նամակ է հայտնվել՝ ՌԴ պաշտպանության նախարար Սերգեյ Շոյգուին ուղղված կոչով, գրում է BBC-ի ռուսական ծառայությունը։
«Ներկայում «Վագների» ստորաբաժանումները վերահսկում են Բախմուտ բնակավայրի ավելի քան 95%-ը և շարունակում են գրոհը՝ այն ամբողջությամբ ազատագրելու համար: «Վագների» եզրերում, որտեղ տեղակայված են ՌԴ ԶՈՒ ստորաբաժանումները, հակառակորդը ձեռնարկել է մի շարք հաջող հակագրոհներ։ Հաշվի առնելով օպերատիվ ծանր իրավիճակը, ինչպես նաև մարտական գործողություններ վարելու Ձեր բազմամյա փորձը՝ խնդրում եմ ձեզ գալ Բախմուտ բնակավայրի տարածք, որը գտնվում է Ռուսաստանի Դաշնության ռազմական ստորաբաժանումների հսկողության տակ, և ինքնուրույն գնահատել ստեղծված իրավիճակը։ Կանխավ շնորհակալ եմ, հուսով եմ՝ կհամաձայնեք»,- ասված է Պրիգոժինի անունից հրապարակված նամակում։
Հիշեցնենք, որ ավելի վաղ «Վագների» հիմնադիրը հայտարարել էր, որ իր ենթակայության տակ գործող ստորաբաժանումները մայիսի 10-ին լքելու են Բախմուտը՝ «ծանր կորուստների և սպառազինության պակասի պատճառով»։
«Ազով» գնդի հիմնադիր, «Ազգային կորպուս» կուսակցության առաջնորդ Անդրեյ Բիլեցկին իր հերթին հայտարարել էր, որ Ուկրաինայի զինված ուժերը Դոնեցկի մարզի Բախմուտի մերձակայքում ջախջախել են ՌԴ ցամաքային զորքերի 72-րդ բրիգադի ստորաբաժանումները։
