09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Վայրենու ձեռքը չի կարող հասնել Գարեգին Չուգասզյանին. Ժիրայր Սէֆիլյանն ու Վարուժան Ավետիսյանը՝ ՔԿՀ-ից
Քաղաքականություն
05.07.2017 | 10:05
Ժիրայր Սէֆիլյանն ու Վարուժան Ավետիսյանը համատեղ հայտարարությամբ են հանդես եկել Արմավիր ՔԿՀ-ից:
«Որպես կանոն, Հիմնադիր Խորհրդարանի և Սասնա Ծռերի հետ կապված հերթական տեղեկատվական ակտիվության և/կամ Հիմնադիր Խորհրդարանի ընտրյալ Նախագահ Գարեգին Չուգասզյանի՝ արդի հայ քաղաքական մտքի հերթական բարձր դրսևորմամբ աչքի ընկնող հոդվածին կամ հարցազրույցին հետևում է թրքաբոլշևիկյան համակարգի գործիք գաղութային վարչակազմի քարոզչական հարձակումը:
Հայտարարում ենք, որ Գարեգին Չուգասզյանի վերաբերյալ տարածվող կեղտոտ տեղեկությունները ոչ միայն հերյուրանք են, այլև ապացուցում են Գարեգին Չուգասզյանի մտավոր ու քաղաքական տրամաչափի անհասանելի մեծությունը այդպիսի քարոզչություն իրականացնող ենիչերների ու նրանց նեղմիտ, ոճրագործ ու դավաճան տերերի նկատմամբ: Որևէ մեկին չի հաջողվելու անգամ ծեփի մեկ կտոր պոկել մեր քաղաքական թիմի միաձույլ շինվածքից: Գարեգին Չուգասզյանը Արագածի վրա կախված Լույսի կանթեղի նման է: Վայրենու ձեռքը նրան չի կարող հասնել»։
