21.12.2025 | 21:24
«Ապահովել հավասար մրցակցային պայմաններ». վարչապետը՝ ԵԱՏՄ ներքին շուկայի խոչընդոտների մասին
Ադրբեջանի նպատակը բանակցությունների բովանդակությունը փոխելն է. Տաթևիկ Հայրապետյան. ՏԵՍԱՆՅՈՒԹ
Քաղաքականություն
11.05.2023 | 19:10
Այսօր ժամը՝ 06:00-ից Ադրբեջանի ԶՈւ ստորաբաժանումները հրետանային և ականանետային միջոցներից կրակ են բացել Սոթքի ուղղությամբ տեղակայված հայկական դիրքերի ուղղությամբ։ Հայկական կողմը 4 վիրավոր ունի։
Ադրբեջանագետ Տաթևիկ Հայրապետյանը կարծում է, որ ադրբեջանական կողմը նպատակ ունի փոխել բանակցությունների բովանդակությունը և սադրանքի պատճառը հենց դա է։ Նրա խոսքով՝ այս ամենը սպասելի էր, որովհետև գաղտնիք չէ, որ ադրբեջանական կողմի նպատակը Հայաստանից զիջումներ կորզելն Է։
«Երբ Ադրբեջանը հասկանում է, որ, օրինակ, Հայաստանը պատրաստ է Արցախը ճանաչել Ադրբեջանի մաս, և Հայաստանի իշխանությոնները պարզ տեքստով դրա մասին հայտարարում են, Ադրբեջանը մտածում է՝ ինչպես կարելի է Հայաստանից ավելին պոկել։ Երբ դու ագրեսիայի հետևանքով հրաժարվում ես Արցախի ժողովրդի ինքնորոշման իրավունքից, քո նախընտրական ծրագրերից և փոփոխում այդ ամենը, նշանակում է, որ եթե նոր ագրեսիա լինի, դու այդ դիրքորոշումն էլ փոփոխության կենթարկես․ հենց այդ տրամաբանությամբ էլ Ադրբեջանը շարժվում է»,- ասաց Հայրապետյանը։
Նրա խոսքով՝ ադրբեջանական տելեգրամյան ալիքները գրում են, որ այսքանով չեն բավարարվելու, և քանի որ ունեն մեկ զոհ, պիտի նրա համար վրեժ լուծեն։ Ուստի բացառել պետք չէ, որ ադրբեջանցիները կգնան նոր գործողությունների։
Մանրամասները՝ տեսանյութում։
Արփի Հակոբյան
