15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Ֆրանսիայի ԱԳՆ-ն ասաց՝ Արցախն անկլավ է․ սա կարգավիճակ է նշանակում՝ ՀՀ-ն պիտի բարձրաձայնի ինքնորոշումը․ Թագուհի Թովմասյան․ ՏԵՍԱՆՅՈՒԹ
Քաղաքականություն
11.05.2023 | 18:32
Վաղ առավոտյան Ադրբեջանը կրակ է բացել Հայաստանի Սոթք բնակավայրի ուղղությամբ տեղակայված մարտական դիրքերի վրա, ինչի հետևանքով հայկական կողմն ունեցել է չորս վիրավոր։ Ադրբեջանական լրատվամիջոցները հայտնում են իրենց կողմից մեկ զոհի և մեկ վիրավորի մասին։
ՀՀ ԱԺ մարդու իրավունքների պաշտպանության և հանրային հարցերի հանձնաժողովի նախագահ Թագուհի Թովմասյանը Factor TV-ին տված հարցազրույցում տեղեկացրեց, որ իրականում Ադրբեջանը 20 օր շարունակ կրակել է Սոթքի հանքավայրի վրա, պարզապես այսօր մեծ տրամաչափի զենքեր է կիրառել։
«Ադրբեջանը թիրախավորեց Սոթքի հանքավայրը, որը ՌԴ-ից ընկերություն է շահագործում, որում, որքան տեղյակ եմ, նաև պետական մասնակցություն կա։ Ադրբեջանն այսպիսով ինչ-որ բան է հասկացնում Ռուսաստանին, բայց դա ՀՀ տարածքն է, և տուժում ենք մենք։ Ադրբեջանը նպատակ ունի գրավել ռազմավարական նշանակության Սոթքի հանքավայրի հատվածը՝ ՀՀ-ին զրկելով հերթական հանքավայրից։ Մենք տեսնում ենք, որ Ադրբեջանն անում է քայլեր ՌԴ-ի դեմ և մարսում է։ Այո՛, ՌԴ-ն չի կարողանում կատարել ԼՂ-ում ստանձնած իր պարտավորությունները, բայց ումո՞վ փոխարինենք նրանց ուժերը, չունենք այլընտրանք»,- ասաց պատգամավորը։
Անդրադառնալով ԼՂ-ի խնդրին և ադրբեջանական անցակետին՝ Թագուհի Թովմասյանը պնդեց, որ հայկական կողմը չպիտի լեգիտիմացնի Ադրբեջանի անցակետը, չպիտի այն օգտագործի․ «Ադրբեջանը հազարավոր մարդու հետախուզում է հայտարարել, թիրախավորելու են այդ մարդկանց։ Նրանցից ով անցնի այդ անցակետով, կձերբակալեն։ Ֆրանսիայի ԱԳ նախարարն ասաց՝ Արցախն անկլավ է, այսինքն՝ դա նշանակում է, որ Ֆրանսիան այն ուրիշի տարածք է անվանում՝ Ադրբեջանի մեջ։ Սա ևս կարգավիճակ է նշանակում։ ՀՀ-ն պիտի բարձրաձայնի ինքնորոշման իրավունքը։ Ֆրանսիան և ԱՄՆ-ը ավելի շատ են խոսում ԼՂ-ի ինքնորոշումից, քան ՀՀ իշխանությունները։ Ես կարծում եմ, որ մե՛նք Ադրբեջանի համար պիտի պրոբլեմներ սարքենք, մանավանդ, որ բազմաթիվ փաստեր ունենք՝ այսօր Ադրբեջանը կրակել է շտապօգնության մեքենայի վրա, թույլ չեն տվել վիրավորների տեղափոխել։ Առաջիկա հանդիպմանը Նիկոլ Փաշինյանը պետք է Ֆրանսիայի և Գերմանիայի ղեկավարների խոսքը երկրորդի՝ ԼՂ-ի ինքնորոշման իրավունքի հարցը բարձացնի»։
Հարցազրույցն ամբողջությամբ՝ տեսանյութում։
Ռոբերտ Անանյան
