06.06.2026 | 14:49
Անօդաչու թռչող սարքեր և հատուկ տեխնիկա․ ընտրություններից առաջ Հակակոռուպցիոն կոմիտեն լայնածավալ գործողություններ է իրականացնում
Քըլըչդարօղլուն Թուրքիայի նախագահական ընտրություններից թեկնածությունը հանած Ինջեին հրավիրել է միանալ ընդդիմադիր դաշինքին՝ Էրդողանի դեմ պայքարելու
Քաղաքականություն
11.05.2023 | 19:22
Թուրքիայի նախագահական ընտրություններում ընդդիմության միասնական թեկնածու Քեմալ Քըլըչդարօղլուն ընտրապայքարը լքած Մուհարեմ Իջեին հրավիրել է միանալ իրենց։
«Իմ կոչը մնում է ուժի մեջ։ Մի կողմ դնենք հին վրդովմունքներն ու դժգոհությունները։ Մենք ողջունում ենք պարոն Ինջեին Թուրքիայի սեղանի շուրջ։ Խնդրում եմ՝ եկե՛ք»,- գրել է Քըլըչդարօղլուն թվիթերյան իր էջում։
Հիշեցնենք, որ Թուրքիայի նախագահի թեկնածու Մուհարեմ Ինջեն, որը գլխավորում է «Հայրենիք» կուսակցությունը, այսօր հայտարարել է, որ հանում է իր թեկնածությունը և դուրս է գալիս ընտրապայքարից։
Որպես որոշման պատճառ նա նշել է իր նկատմամբ «ոչ համարժեք և չափից ավելի ճնշումը՝ տարբեր սադրանքների, մեղադրանքների և ապատեղեկատվության տեսքով»։
Թուրքիայում նախագահական և խորհրդարանական ընտրությունները տեղի կունենա մայիսի 14-ին։ Հիմնական պայքարն ընթանում է գործող նախագահ Ռեջեփ Թայիփ Էրդողանի ու ընդդիմադիր դաշինքի միասնական թեկնածու Քեմալ Քըլըչդարօղլուի միջև։ Թուրքիայի վեց ընդդիմադիր կուսակցությունները միավորվել են՝ ընտրություններում Էրդողանի 20-ամյա իշխանությունը տապալելու համար։
Էմմա Չոբանյան
