26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Աքարը հայտարարել է, թե Թուրքիան ու Ադրբեջանը Հայաստանին «խաղաղության ձեռք են մեկնել»
Քաղաքականություն
11.05.2023 | 17:47
Թուրքիայի պաշտպանության նախարար Հուլուսի Աքարը թուրքական Քոնյայում «Անատոլիական արծիվ-2023» զորավարժությունների ընթացքում լրագրողների հետ ճեպազրույցում հայտարարել է, թե, իբր, «Ադրբեջանն ու Թուրքիան միասին խաղաղության ձեռք մեկնել Հայաստանին», գրում են տեղական լրատվամիջոցները։
«Մենք դեռ սպասում ենք, որ խաղաղության այս ձեռքը բռնվի։ Մենք խաղաղություն ենք ուզում։ Որովհետև եթե այդպես է, եթե Թուրքիան, Ադրբեջանն ու Հայաստանը խաղաղություն հաստատեն, իսկ հետո դրան միանան Վրաստանն ու Իրանը, հետո միանա Ռուսաստանը, ապա Կովկասում կայունության և խաղաղության մթնոլորտ կստեղծվի»,- ասել է Աքարը՝ միաժամանակ սպառնալիքներ հնչեցնելով․ «Մենք փորձում ենք բացատրել Հայաստանին, ասում ենք՝ մի՛ վարվեք ուրիշների ասածով և թիկունքից արված որոշ առաջարկներով։ Մենք կարծում ենք, որ եթե գործեք տարածաշրջանային պայմաններին ու աշխարհագրությանը համապատասխան, ապա դա շատ ավելի ձեռնտու կլինի թե՛ տարածաշրջանի, թե՛ իրենց համար»։
Հավելենք, որ Թուրքիայում է գտնվում նաև Ադրբեջանի ՊՆ ղեկավար Զաքիր Հասանովը՝ զորավարժություններին հետևելու նպատակով։
Էմմա Չոբանյան
