26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Ուկրաինային ավելի շատ ժամանակ է անհրաժեշտ՝ հակագրոհ նախապատրաստելու համար․ Զելենսկի
Քաղաքականություն
11.05.2023 | 17:38
Ուկրաինային ավելի շատ ժամանակ է պետք հակահարձակման նախապատրաստվելու համար, Ուկրաինայի Զինված ուժերը սպասում են արևմտյան զենքի խոստացված մատակարարմանը։ Այս մասին հայտարարել է Ուկրաինայի նախագահ Վլադիմիր Զելենսկին արևմտյան մի շարք լրատվամիջոցներին տված հարցազրույցում, փոխանցում է BBC-ի ռուսական ծառայությունը։
Նրա խոսքով՝ ուկրաինական բանակի մարտական ստորաբաժանումները, որոնք վերապատրաստվել են ՆԱՏՕ-ի զինվորականների հետ, լիովին պատրաստ են, սակայն հրամանատարությունը սպասում է ևս մի քանի մատակարարումների, մասնավորապես՝ զրահատեխնիկայի, որոնք ժամանում են խմբաքանակներով։
«Մենք կարող ենք հարձակվել նրանով, ինչ արդեն ունենք, բայց մարդկային կորուստները հիմա մեծ կլինեն: Սա անընդունելի է: Հետևաբար, մենք դեռ պետք է սպասենք: Մեզ մի քիչ ավելի շատ ժամանակ է պետք»,- ասել է նա լրագրողներին:
Զելենսկիի խոսքով՝ Ռուսաստանն այս փուլում դեմ չէ իրավիճակը սառեցված հակամարտության վիճակ տեղափոխելուն, սակայն Ուկրաինան դա չի կարող թույլ տալ, հենց այդ պատճառով է հակահարձակման հաջողությունն այդքան կարևոր։
Նշվում է, որ Ուկրաինայի զինված ուժերի ապագա հարվածի վայրը գաղտնի է պահվում. ռուսական բանակը, մինչդեռ, ամրապնդում է իր պաշտպանական դիրքերը 1450 կիլոմետր երկարությամբ՝ արևելքում Դոնեցկից և Լուգանսկից մինչև հարավում՝ Խերսոն և Զապորոժիե:
Տաթև Ֆռանգյան
