06.06.2026 | 17:50
Ընտրական հանցագործությունների գործերով ձերբակալվել է 194, քրեական հետապնդման ենթարկվել՝ 209 անձ. ՀԿԿ
Թուրքիայի նախագահի թեկնածու Մուհարեմ Ինջեն հայտարարել է ընտրարշավից դուրս գալու մասին
Քաղաքականություն
11.05.2023 | 15:58
Թուրքիայի նախագահի թեկնածու Մուհարեմ Ինջեն, որը գլխավորում է «Հայրենիք» կուսակցությունը, հինգշաբթի հայտարարել է, որ հանում է իր թեկնածությունը և դուրս է գալիս երկրի բարձրագույն պաշտոնի համար պայքարից։ Նրա ելույթը հեռարձակել են տեղական հեռուստաալիքները։
«Ես ուզում եմ, որ ամեն տուն քվեարկի «Հայրենիք» կուսակցության օգտին։ Ես հանում եմ իմ թեկնածությունը նախագահական ընտրություններից, ուրախ եղեք»,- ասել է նա։
Որպես այս որոշման պատճառ՝ Ինջեն անվանել է իր նկատմամբ ոչ համարժեք և չափից ավելի ճնշումը՝ տարբեր սադրանքների, մեղադրանքների և ապատեղեկատվության տեսքով։
Հիշեցնենք՝ Թուրքիայում նախագահական և խորհրդարանական ընտրությունները նախանշված եմ մայիսի 14-ին։ Նախագահի թեկնածուները չորսն էին, այդ թվում՝ գործող նախագահ Ռեջեփ Թայիփ Էրդողանը և նրա հիմնական մրցակից, ընդդիմության միասնական թեկնածու Քեմալ Քըլըչդարօղլուն։
Տաթև Ֆռանգյան
