07.10.2026 | 23:48
Արթուր Դանիելյանը կալանավորվեց
Քըլըչդարօղլուն մոտ է Թուրքիայի նախագահական ընտրություններում առաջին փուլով հաղթանակին․ նոր սոցհարցում
Քաղաքականություն
11.05.2023 | 15:34
Թուրքիայում մայիսի 14-ին կայանալիք նախագահական և խորհրդարանական ընտրություններից երեք օր առաջ հանրահայտ սոցիոլոգիական ընկերությունը հայտնում է, որ ընդդիմության թեկնածուն մոտ է առաջին փուլում հաղթանակին, գրում է Bianet-ը։
Ըստ KONDA-ի այսօր հրապարակված հարցման արդյունքների՝ «Ազգային դաշինքի» թեկնածու Քեմալ Քըլըչդարօղլուն կապահովի ձայների 49,3 տոկոսը, եթե չկողմնորոշված ձայները, որոնք ներկայում կազմում են 7,8 տոկոս, համամասնորեն բաշխվեն։ Նախագահ Ռեջեփ Թայիփ Էրդողանը ստանում է ձայների 43,7 տոկոսը։
Ըստ հարցումների՝ իշխող Ժողովրդական դաշինքը ստանում է 44,0%, Ազգային դաշինքը՝ 39,9%, Աշխատանքի և ազատության դաշինքը՝ 12,3% տոկոս։
Ժողովրդական դաշինքից Արդարություն և զարգացում կուսակցությունը ստացել է 35%, Ազգայնական շարժում կուսակցությունը՝ 8% ձայն։
Ընդդիմադիր Ազգային դաշինքից՝ Ժողովրդահանրապետական կուսակցությունը ստանում է 27,3%, Լավ կուսակցությունը (İYİ)՝ 12,4%, մյուսները՝ 0.2%։ Քրդամետ Աշխատանքի և ազատության դաշինքից՝ Կանաչների ձախ կուսակցությունը ստանում է 10,5%, Թուրքիայի աշխատավորական կուսակցությունը (TİP)՝ 1,8% ձայն։
Նախագահական ընտրապայքարի մյուս թեկնածուներից Մուհարեմ Ինջեն ստացել է 2,2% , իսկ Սինան Օղանը՝ 4,8% ձայն։
Էմմա Չոբանյան
