08.10.2026 | 12:51
ՌԴ երկաթուղու ղեկավարը մյուս շաբաթ կժամանի Հայաստան, քննարկում ենք ունենալու. Փաշինյան․ ՏԵՍԱՆՅՈՒԹ
Բաքուն փորձում է հետ կանգնել Քիշնևում Մակրոնի և Շոլցի մասնակցությամբ արդեն իսկ համաձայնեցված հանդիպումից
Քաղաքականություն
11.05.2023 | 14:21
Պաշտոնական Բաքուն փորձում է ձախողել նախապես ձեռք բերված պայմանավորվածությունները։ Մասնավորապես, Ադրբեջանի ԱԳՆ խոսնակ Այխան Հաջիզադեն հայտարարել է, թե Բաքուն համաձայնություն է տվել միայն մայիսի 14-ին Բրյուսելում կայանալիք Հայաստանի, Ադրբեջանի ղեկավարների և ԵՄ Խորհրդի նախագահ Շառլ Միշելի եռակողմ հանդիպմանը, սակայն հունիսի 1-ին Քիշնևում քառակողմ՝ Ֆրանսիայի նախագահ Էմանունել Մակրոնի և Գերմանիայի կանցլեր Օլաֆ Շոլցի մասնակցությամբ հանդիպմանը՝ դեռևս ոչ։
Հաջիզադեն ասել է, թե Ադրբեջանը համաձայնությունն է տվել Բրյուսելում հանդիպման անցկացմանը, որը պետք է կայանար դեռևս նախորդ տարի։
«Միաժամանակ, առաջարկվել է Քիշնևում Եվրոպական քաղաքական համայնքի հաջորդ հանդիպման շրջանակում Ֆրանսիայի նախագահի և Գերմանիայի կանցլերի մասնակցությամբ անցկացնել Ադրբեջանի ու Հայաստանի ղեկավարների հանդիպում։ Ադրբեջանական կողմն իր հերթին հայտարարել է հանդիպմանը մասնակցության հնարավորության մասին՝ պայմանով, որ այն չփոխարինի և չփոխի բրյուսելյան ձևաչափը։ Միաժամանակ, հաշվի առնելով, որ այս հանդիպման մանրամասների մասին հստակ տեղեկատվություն չի տրամադրվել, Քիշնևի հանդիպմանը մասնակցելու վերաբերյալ վերջնական պայմանավորվածություն դեռևս չկա»,- ասել է Հաջիզադեն։
Փաստորեն, Բաքուն հերթական անգամ դիմում է մանիպուլյացիների՝ փորձելով չեղարկել եվրոպացի առաջնորդների հետ հանդիպումը։
Նշենք, որ Քիշնևում արդեն իսկ համաձայնեցված հանդիպման մասին հայտարարել էր հենց Եվրոպական խորհուրդը։
«Հայաստանի և Ադրբեջանի առաջնորդները պայմանավորվել են կրկին հանդիպել 2023 թվականի մայիսի 14-ին Բրյուսելի եռակողմ ձևաչափով։ Նրանց հանդիպումներն ուղեկցվելու են նաև Ֆրանսիայի նախագահ Էմանուել Մակրոնի և Գերմանիայի կանցլեր Օլաֆ Շոլցի հետ համատեղ հանդիպումով 2023 թվականի հունիսի 1-ին Քիշնևում կայանալիք Եվրոպական քաղաքական համայնքի գագաթնաժողովի շրջանակում»,- ասվում է ԵԽ տարածած հաղորդագրության մեջ։
Էմմա Չոբանյան
