16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Էրդողանի կուսակցության փոխնախագահն ԱՄՆ-ին ու Եվրոպային մեղադրել է ընտրություններին միջամտելու համար
Քաղաքականություն
11.05.2023 | 21:15
Թուրքիայի իշխող ուժի ներկայացուցիչները շարունակում են հակաարևմտյան հայտարարություններ հնչեցնել։ Մասնավորապես, նախագահ Ռեջեփ Թայիփ Էրդողանի ղեկավարած «Արդարություն և զարգացում» կուսակցության փոխնախագահ Բինալի Յըլդըրըմը հայտարարել է, թե մայիսի 14-ին Թուրքիայում կայանալիք նախագահական և խորհրդարանական ընտրություններին միջամտում են օտար ուժեր, ինչպիսիք են ԱՄՆ-ն ու Եվրոպան, գրում է Gercek news-ը։
Նախընտրական քարոզարշավի շրջանակում Մուղլա նահանգում հանդիպման ժամանակ Յըլդըրըմը նաև պնդել է, թե ընտրությունների գործընթաց են ներթափանցել ահաբեկչական կազմակերպություններ և ընդդիմադիր «Ազգային դաշինքին» մեղադրել այդ խմբավորումների հետ միավորվելու համար։
Յըլդըրըմն արտաքին ուժերին մեղադրել է նաև հաշիվներ մաքրելու և ընտրություններին միջամտությամբ Թուրքիայի կայունությունը փորձերի համար։
Մուղլայի Ֆեթհիյե թաղամասում տեղի ունեցած երկրորդ հանրահավաքում Յըլդըրըմը զգուշացրել է, որ այս ընտրությունները տարբերվում են նախորդներից, քանի որ դրանք արատավորվել են «սատանաների» միջամտությամբ։
Հավելենք, որ Թուրքիայի խորհրդարանական ու նախագահական ընտրությունները տեղի կունենան մայիսի 14-ին։ Նախագահի պաշտոնի համար հիմնական պայքարն ընթանալու է գործող նախագահ Էրդողանի և ընդդիմության միասնական թեկնածու Քեմալ Քըլըչդարօղլուի միջև։
Էմմա Չոբանյան
