16.01.2026 | 14:39
ՊՊԾ աշխատակիցներին ասացի` հիմքեր ներկայացրեք, այլապես լրագրողներին դուրս հանելն անհիմն է. պատգամավոր․ ՏԵՍԱՆՅՈՒԹ
Պակիստանում ընդդիմության կողմնակիցները հարձակվել են վարչապետի նստավայրի վրա
Քաղաքականություն
11.05.2023 | 14:57
Պակիստանի ընդդիմադիր «Թեհրիք ի Ինսաֆ» կուսակցության կողմնակիցները Լահորում հարձակվել են վարչապետ Շեհբազ Շարիֆի նստավայրի վրա։ Այս մասին հայտնում է Press Trust of India-ն՝ վկայակոչելով Պակիստանի ոստիկանությանը։
Աղբյուրի փոխանցմամբ՝ ավելի քան 500 մարդ է հավաքվել շենքի մոտ, նրանք այրել են մոտակայքում կայանված մեքենաները։
«Նրանք նաև բենզինային պայթուցիկներ են նետել վարչապետի տան ուղղությամբ»,- փոխանցել է Փենջաբի ոստիկանության ներկայացուցիչը։
Նա նշել է, որ հարձակման պահին նստավայրում միայն անվտանգության աշխատակիցներն են եղել, իսկ ցուցարարները ցրվել են ոստիկանության ջոկատների ժամանումից անմիջապես հետո։ Իշխանությունները նաև հայտնել են, որ բողոքի ակցիաների երկու օրերի ընթացքում ցուցարարները Փենջաբ նահանգում հրկիզել են 14 կառավարական հաստատության շենք և 21 ոստիկանական մեքենա։
Հավելենք, որ Պակիստանի քաղաքներում բողոքի ցույցերը սկսվել են նախկին վարչապետ, ընդդիմադիր «Թեհրիք ի Ինսաֆ» կուսակցության առաջնորդ Իմրան Խանի ձերբակալությունից հետո:
Խանի ձերբակալությունից պատճառով նրա կուսակցությունն ամբողջ երկրում զանգվածային ցույցեր սկսելու կոչ է արել։
Տաթև Ֆռանգյան
