14.09.2026 | 18:10
ԵՄ ներկայացուցիչը Երևանում է // Միացյալ Թագավորության երեք երկրներն անկախության գործընթաց կսկսեն․ ԼՈՒՐԵՐ
ՌԴ ՊՆ-ն ապրիլին պատերազմի համար հավաքագրել է 10,000 բանտարկյալի․ բրիտանական հետախուզություն
Քաղաքականություն
11.05.2023 | 15:43
2023 թվականի սկզբից ՌԴ Պաշտպանության նախարարությունն ակտիվացրել է բանտարկյալների հավաքագրումը՝ Ուկրաինայում ռազմական գործողություններին մասնակցելու համար։ Հավանաբար, միայն 2023 թվականի ապրիլին մինչև 10,000 դատապարտյալ պայմանագրեր է կնքել։ Այս մասին հայտնում է բրիտանական հետախուզությունը, փոխանցում է BBC-ի ռուսական ծառայությունը։
2022-ի ամռանից բանտարկյալները «Վագներ» մասնավոր ռազմական խմբավորման նորակոչիկների հիմնական աղբյուրն են։ Բայց 2023 թվականի փետրվարից կազմակերպությունը կորցրել է մուտքը ռուսական քրեակատարողական համակարգ, երբ սրվեցին դրա հարաբերությունները ՊՆ-ի հետ։
Բրիտանական հետախուզության տեղեկագրում ասվում է, որ բանտարկյալների հավաքագրումը ՊՆ թվակազմը մեծացնելու՝ ավելի լայն արշավի մի մասն է։
Այսպիսով, ըստ աղբյուրի, ռուս բարձրաստիճան զինվորականները փորձում են խուսափել նոր պարտադիր մոբիլիզացիայից, որն ընդունելի չէր լինի ռուս հասարակության շրջանում։
Էմմա Չոբանյան
