17.02.2026 | 10:50
Թրամփը հայտարարել է, որ «անուղղակիորեն» կմասնակցի Իրանի միջուկային ծրագրի շուրջ բանակցություններին
Մարդիկ սպասում են, եթե զգան` նորից շարունակվում է, դուրս կգան. Գեղամասարի նախկին համայնքապետ․ ՏԵՍԱՆՅՈՒԹ
Քաղաքականություն
11.05.2023 | 11:36
«Այս պահին ժողովրդի մոտ ուժեղ լարվածություն կա, անհանգստություն կա արդեն, որովհետև կրակոցները լսելի են գյուղում», – այս մասին Factor TV-ի հետ հեռախոսազրույցում ասաց Գեղամասար համայնքի նախկին ղեկավար Հակոբ Ավետիսյանը։
Նախկին համայնքապետի խոսքով՝ բնակիչների տարհանման հարց չի քննարկվել, բայց եթե զգան՝ շարունակվում է, դուրս կգան։
«Միանշանակ նման դեպքում երեխաներին, մեծերին և կանանց պետք է տարհանել։ Չեմ կարծում, որ սրանով ավարտվեց, սպասում ենք՝ հասկանանք՝ ինչ է պետք անել »,- ասաց Հակոբ Ավետիսյանը։
Ավետյանը ասաց՝ այս պահի դրությամբ կրակոցի ձայները դադարել են, իրավիճակն ավելի հանգիստ է։
Գեղամասարը մոտ է Սոթքի այն դիրքերին, որտեղ առավոտյան ժամը 06։00-ից սկսած Ադրբեջանի ԶՈՒ-ն հրետանային և ականանետային կրակ է բացել հայկակական դիրքերի ուղությամբ։ ՊՆ-ն պարբերաբար տեղեկացնում է, թե ինչպիսին է իրադրությունը սահմանագծում։ Ըստ պաշտոնական վերջին հաղորդագրության՝ 10:45-ի դրությամբ իրադրությունն առաջնագծում հարաբերականորեն կայուն է։ Հայկական կողմն ունի 4 վիրավոր, որոնց կյանքին վտանգ չի սպառնում։
Անի Թամրազյան
