16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
«Վագները» վերահսկում է Բախմուտի 85%-ն ու դեռևս չի պատրաստվում հեռանալ․ Politico
Քաղաքականություն
11.05.2023 | 18:05
Politico պարբերականը, հղում անելով ամերիկյան վարչակազմում սեփական աղբյուրներին, փոխանցում է, որ «Վագների» վարձկանները նախկինի պես վերահսկում են Բախմուտի զգալի մասը, սպառազինության ու զենքի զգալի պաշարներ ունեն և չնայած մեծ կորուստներին՝ չեն ծրագրում քաղաքը թողնել։
Անցյալ շաբաթ «Վագներ» մասնավոր ռազմական կազմակերպության հիմնադիր Եվգենի Պրիգոժինը սպառնացել էր, որ իր վարձկանները կլքեն քաղաքը, քանի որ բանակի ղեկավարությունը նրանց զինամթերք չի տրամադրում։
Ավելի ուշ նա հայտարարեց, որ իր ուժերը կմնան Բախմուտում՝ հավելելով, որ վագներականներին խոստացել են բավարար քանակությամբ զինամթերք տրամադրել։ Հետո, սակայն, Պրիգոժինը կրկին դժգոհեց, որ այդ խոստումները չեն կատարվում, և խոստովանեց, որ Ուկրաինայի զինված ուժերին վերջին օրերին հաջողվել է հաջող հակահարված հասցնել։
Չնայած Պրիգոժինի՝ Բախմուտը լքելու սպառնալիքներին՝ նրա վարձկանները զբաղեցնում են քաղաքի տարածքի առնվազն 85%-ը, ասվում է Politico-ի հրապարակման մեջ։
Պարբերականի իրազեկ ամերիկյան աղբյուրներն անանունության պայմանով ասել են, որ իրենք ապացույցներ չունեն, որ վարձկանները պատրաստվում են հեռանալ Բախմուտից։
«Ամերիկացի պաշտոնյաներն ասում են, որ Բախմուտի մասին Պրիգոժինի վերջին հայտարարություններին վստահել չի կարելի և, ամենայն հավանականությամբ, դրանք անհրաժեշտ են եղել Ռուսաստանի պաշտպանական ապարատի արձագանքն առաջացնելու համար՝ ստիպելու Մոսկվային ավելի շատ զենք ուղարկել»,- գրում են հեղինակները։
Տաթև Ֆռանգյան
