11.12.2024 | 11:14
Ադրբեջանի և Հայաստանի միջև խաղաղության հաստատման հարցում հասել ենք ամենամոտ կետին․ Հաքան Ֆիդան
Բրյուսելում խաղաղության պայմանագրի ստորագրելու հնարավորությունը փոքր է. Փաշինյան․ ՏԵՍԱՆՅՈՒԹ
Քաղաքականություն
11.05.2023 | 11:33
Շատ փոքր է հնարավորությունը, որ մայիսի 14-ին Բրյուսելում Հայաստանի և Ադրբեջանի միջև խաղաղության պայմանագիր կստորագրվի։ ՀՀ կառավարության նիստի ընթացքում այս մասին հայտարարեց վարչապետ Նիկոլ Փաշինյանը։
Վարչապետը նշեց, որ Հայաստանի դեմ Ադրբեջանի հերթական ագրեսիայի ֆոնին չի փոխել մայիսի 14-ին նախատեսված բանակցությունների համար Բրյուսել մեկնելու որոշումը։
«Նաև ուզում եմ պատասխանել հետևյալ մի հարցի։ Որքանո՞վ է հավանական, որ կիրակի օրը Ադրբեջանի հետ խաղաղության պայմանագիր կստորագրվի։ Ցավոք, նման հնարավորությունը շատ փոքր է, որովհետև խաղաղության և միջպետական հարաբերությունների մասին երկկողմ համաձայնագրի նախագիծը դեռ շատ նախնական տեսք ունի, և դեռ վաղ է խոսել այն ստորագրելու մասին։ Մյուս կողմից խնդիր ունենք հնարավորինս արագ հասունացնել այդ փաստաթուղթը և այն պատրաստել ստորագրման»,- նշեց Փաշինյանը։
Մանրամասները՝ տեսանյութում։
