07.10.2026 | 23:48
Արթուր Դանիելյանը կալանավորվեց
Հարվածները Սոթք գյուղի ուղղությամբ չեն, բայց բնակիչների մի մասը տարհանվել է սեփական նախաձեռնությամբ
11.05.2023 | 10:36
Ինչպես ավելի վաղ տեղեկացրել ենք, առավոտյան ժամը 06։00-ից ադրբեջանական կողմը կրակում է Սոթքի դիրքերի ուղղությամբ: Գյուղի բնակիչները Factor.am-ին փոխանցեցին, որ, թեև կրակոցների ձայներ լսվում են, բայց դրանք գյուղի ուղղությամբ չեն: Բնակիչների մի մասը գյուղից տարհանվել է սեփական տրանսպորտային միջոցներով:
Սոթքի համայնքապետ Սևակ Խաչատրյանը, թեև պատասխանեց մեր հեռախոսազանգին, բայց որևէ տեղեկատվություն չտվեց։ «Զբաղված եմ»,- ասաց Խաչատրյանն ու անջատեց հեռախոսը:
Պաշտպանության նախարարությունը հայտնում է, որ ժամը 10.10-ի դրությամբ Սոթքի ուղղությամբ լարվածության նվազումը պահպանվում է: Ադրբեջանական սադրանքի հետևանքով հայկական կողմը ժամը 10:25-ի դրությամբ ունի 4 վիրավոր: Վիրավոր զինծառայողներից 2-ի վիճակը գնահատվում է բավարար, 2-ինը՝ միջին ծանրության: Վիրավորում ստացած զինծառայողների կյանքին այս պահի դրությամբ վտանգ չի սպառնում:
Արփի Հակոբյան
