14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Մեր հայ գործընկերներից նախաձեռնողական քայլեր ենք սպասում ՀԱՊԿ առաքելության տեղակայման համար․ Զախարովա
Քաղաքականություն
10.05.2023 | 19:50
Մոսկվան հայ գործընկերներից ակնկալում է նախաձեռնողական քայլեր՝ վերսկսելու առարկայական աշխատանքը Հայաստանում ՀԱՊԿ առաքելությունը տեղակայելու համար։ Այս մասին իր ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք հայ գործընկերներից ակնկալում ենք նախաձեռնողական քայլեր՝ Հայաստանում ՀԱՊԿ առաքելության տեղակայման ուղղությամբ բովանդակալից աշխատանքը վերսկսելու և մեր դաշնակցին օգնելու այլ համատեղ միջոցառումների ուղղությամբ: Ռուսական կողմը պատրաստ է նման աշխատանքի, ինչին Երևանը քաջատեղյակ է»,- հայտարարել է ՌԴ ԱԳՆ պաշտոնական ներկայացուցիչը։
Զախարովան, միաժամանակ, հակաարդյունավետ է որակել պաշտոնական Երևանի կողմից ՀԱՊԿ-ին ուղղված հանրային քննադատությունը։
«Տարակուսելի է Հայաստանի ղեկավարության ցանկությունը՝ քննարկել կազմակերպության արդյունավետությունը դրանից դուրս, երբ դրա համար ՀԱՊԿ-ն ունի բոլոր անհրաժեշտ ձևաչափերը, փոխգործակցության հաստատված ուղիները և, որ ամենակարևորն է, այս կազմակերպության անդամները պատրաստ են ոչ միայն լսել, այլ նաև աշխատել այս ուղղությամբ»,- ասել է Զախարովը։
Նա նշել է, որ Մոսկվան արձանագրել է Պրահայում հնչած գնահատականները, որոնք ՀՀ ղեկավարությունը տվել է երկրում ԵՄ առաքելությանը։ Ըստ Զախարովայի՝ Հայաստանի վարչապետը նշել է, որ ԵՄ դիտորդներ հրավիրելու որոշումը հեշտ չէր, քանի որ այն անվտանգության երաշխիքներ չի տալիս և ունակ է մարտահրավերներ ստեղծել։
Տաթև Ֆռանգյան
