26.02.2026 | 10:53
Չեմպիոնների լիգա․ «Ռեալը» և ՊՍԺ-ն 1/8 եզրափակիչում են․ ՏԵՍԱՆՅՈՒԹ
Twitter-ում կհայտնվի զանգերի և հաղորդագրությունների փոխանակման հնարավորություն
Քաղաքականություն
10.05.2023 | 23:17
Twitter-ը պատրաստվում է նոր հնարավորություններ ներդնել հաղորդագրությունների, ինչպես նաև ձայնային ու տեսազանգերի համար։ Այս մասին հայտարարել է սոցցանցի սեփականատեր Իլոն Մասկը, գրում է Կոմերսանտը։
Առաջիկա օրերին ավելացվելու է հաղորդագրությունների փոխանակման հնարավորությունը, դրանք լինելու են կոդավորված։ Ձայնային ու տեսազանգերն ավելացվելու են ավելի ուշ, և առայժմ հայտնի չէ՝ դրանք կոդավորվելո՞ւ են, թե՞ ոչ։
Իլոն Մասկն առաջին անգամ հայտարարել էր կոդավորված հաղորդագրություններ, երկար թվիթներ ուղարկելու հնարավորության մասին անցյալ տարվա վերջին։
Ավելի վաղ էլ նա հայտնել էր, որ Twitter-ը պատրաստվում է ջնջել օգտատերերի հաշիվները, որոնք մի քանի տարի չեն գործել․ ջնջված հաշիվներն արխիվացվելու են։ Բացի այդ, Twitter-ը նաև սկսել է հեռացնել նույնականացման նշանները նրանց մոտ, որոնք չունեն վճարովի բաժանորդագրություն։ Նոր կանոնների համաձայն՝ նույնականացում կարող են ստանալ միայն Twitter Blue-ի բաժանորդները։ Ամսական վճարն արժե 8 դոլար։
Էմմա Չոբանյան
