23.10.2026 | 23:15
«Մանկական Եվրատեսիլ»-ի քվեարկության առաջին փուլը կմեկնարկի այս գիշեր
Ո՛չ ԱՄՆ-ը, ո՛չ ՌԴ-ն չեն կարող ՀՀ-ին պարտադրել ինքնասպանություն՝ ընտրելով իրենց ճամբարը․ Լևոն Զուրաբյան․ ՏԵՍԱՆՅՈՒԹ
Քաղաքականություն
10.05.2023 | 19:02
ՀՀ Անվտանգության խորհրդի քարտուղար Արմեն Գրիգորյանը «Նեմեսիս» գործողությանը նվիրված արձանը տեղադրելը ՀՀ-ի ներքին գործն է համարել՝ ասելով․ «Այդ հարցերը գտնվում են ՏԻՄ դաշտում։ Տեղադրումը քաղաքական որոշում չի եղել»։
Իսկ Նիկոլ Փաշինյանն այն համարել է սխալ որոշում։ Նա օրերս ասաց՝ դա սխալ որոշում է եղել, որը կայացրել է ոչ թե ՀՀ կառավարությունը, այլ Երևանի ավագանին։ Փաշինյանը նաև ասել է, որ որոշում կայացնողներն առաջնորդվել են՝ «մեզ դավաճան կասեին» տրամաբանությամբ։
Հայ Ազգային կոնգրեսի փոխնախագահ Լևոն Զուրաբյանը Factor TV-ին տված հարցազրույցում քննադատում է Նիկոլ Փաշինյանի իշխանությանը՝ արձանի տեղադրման հարցով։
«ՀՀ-ն ղեկավարող Փաշինյանն ունակ է ոտնահարել մեր շահերը, կյանքերը, որ հանկարծակի իրեն դավաճան չկոչեն։ Փաշինյանը ռեալ հարցերում թուրքերին զիջում է, փոխհատուցելով սիմվոլի հարցերով․ արձան տեղադրելը դա է վկայում։ Թքած, որ Թուրքիան դժգոհ է արձան դնելուց, խնդիրը դա չէ՝ ջհանդամ։ Խնդիրն այն է՝ սա կոնկրետ հետևանքներ կարող է ունենալ ՀՀ անվտանգության, ԼՂ հարցերում»,- ասաց Լևոն Զուրաբյանը։
ՀԱԿ փոխնախագահը խոսում է նաև Հայաստան-Ադրբեջան բանակցային ներկա փուլի, այդ համատեքստում՝ Ռուսաստանի և Արևմուտքի քաղաքականության, նրանց միջև մրցակցության և, ըստ իրեն, Հայաստանի ճշգրիտ դիրքավորման մասին։
Հարցազրույցն ամբողջությամբ՝ տեսանյութում։
Ռոբերտ Անանյան
