13.09.2026 | 13:39
Սեպտեմբերի 13-18-ին Հայաստանում տեղումներ չեն սպասվում․ ջերմաստիճանը կբարձրանա 2-4 աստիճանով
Վրաստանի նախագահը ՌԴ-ից ուղիղ չվերթների վերականգնումն ու վիզային սահմանափակումների վերացումը ռուսական սադրանք է որակել
Քաղաքականություն
10.05.2023 | 22:29
Վրաստանի նախագահ Սալոմե Զուրաբիշվիլին հերթական սադրանք է համարում Ռուսաստանի կողմից Վրաստանի քաղաքացիների համար վիզային ռեժիմի վերացումը, փոխանցում է Վրաստանի Առաջին ալիքը։
Նա նշել է, որ ՌԴ նախագահի այդ որոշումն անընդունելի է։
«Ռուսաստանի հերթական սադրանքը։ Վրաստանի հետ ուղիղ չվերթների վերականգնումն ու վիզային սահմանափակումների վերացումն անընդունելի են, քանի դեռ Ռուսաստանը շարունակում է Ուկրաինայի դեմ ագրեսիան և մեր տարածքի օկուպացումը»,- գրում է Զուրաբիշվիլին սոցցանցերի իր էջում։
Հիշեցնենք, որ ՌԴ-ն մայիսի 15-ից չեղարկել է վիզային ռեժիմը Վրաստանի քաղաքացիների համար։ ՌԴ նախագահ Վլադիմիր Պուտինը համապատասխան հրամանագիր է ստորագրել։ Բացի այդ, Պուտինը չեղարկել է նաև Վրաստան ռուսական ավիաընկերությունների թռիչքների արգելքը, որը գործում էր 2019 թվականից։
Էմմա Չոբանյան
