14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Լեհաստանում պաշտոնապես փոխել են Կալինինգրադ քաղաքի և ՌԴ Կալինինգրադի մարզի անվանումները
Քաղաքականություն
10.05.2023 | 18:05
Լեհաստանում պաշտոնապես հաստատել և փոխել են Կալինինգրադ քաղաքի ու Ռուսաստանի Դաշնության Կալինինգրադի մարզի անվանումները։ Փոփոխությունն ուժի մեջ է մտել մայիսի 9-ից, փոխանցում է Korrespondent-ը։
Ապրիլի 12-ի նիստում Լեհաստանից սահմաններից դուրս աշխարհագրական անվանումների ստանդարտացման հանձնաժողովը որոշել է, որ ռուսական Կալինինգրադ անվանումով քաղաքի համար խորհուրդ է տրվում օգտագործել միայն լեհական Królewiec (Կրուլևիեց) անվանումը։
Վարչական միավորի համար, որտեղ գտնվում է քաղաքը, խորհուրդ է տրվում կիրառել լեհական անվանումը՝ Կրուլևեցկի մարզ, այլ ոչ թե Կալինինգրադի մարզ։
Հանձնաժողովն ընդունել է, որ «քաղաքը, որն այժմ ունի ռուսերեն Կալինինգրադ անվանումը, Լեհաստանում հայտնի է իր ավանդական Կրուլևիեց անունով», և որ ներկայիս ռուսերեն անվանումն արհեստական է և կապված չէ ո՛չ քաղաքի, ո՛չ էլ շրջանի հետ:
«Այն փաստը, որ Լեհաստանի սահմանների մոտ գտնվող մի մեծ քաղաք անվանակոչվել է Կալինինի անունով, որը, ի թիվս այլ բաների, պատասխանատու է լեհերի զանգվածային սպանության (Կատինի կոտորածը) որոշումը կայացնելու համար, Լեհաստանում հուզական, բացասական բնույթ է կրում»,- ասված է հանձնաժողովի հայտարարության մեջ։
Տաթև Ֆռանգյան
