14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
ՌԴ-ն մայիսի 15-ից չեղարկել է Վրաստանի քաղաքացիների համար վիզային ռեժիմը
Քաղաքականություն
10.05.2023 | 14:41
ՌԴ-ն մայիսի 15-ից չեղարկել է վիզային ռեժիմը Վրաստանի քաղաքացիների համար։ ՌԴ նախագահ Վլադիմիր Պուտինը համապատասխան հրամանագիր է ստորագրել, փոխանցում է Lenta-ն։
Նշվում է, որ այժմ Վրաստանից ՌԴ մինչև 90 օրով ժամանող զբոսաշրջիկները ստիպված չեն լինի վիզա ձևակերպել։
«Սահմանել, որ 2023 թվականի մայիսի 15-ից Վրաստանի քաղաքացիները մուտք են գործում Ռուսաստանի Դաշնություն և հեռանում ՌԴ-ից՝ առանց վիզաների տրամադրման՝ իրենց ինքնությունը հաստատող վավեր փաստաթղթերի հիման վրա»,- ասվում է փաստաթղթում։
Պուտինը չեղարկել է նաև Վրաստան ռուսական ավիաընկերությունների թռիչքների արգելքը, որը գործում էր 2019 թվականից։
Էմմա Չոբանյան
