25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
Ալիևը հայտարարել է, որ 2023թ․ բյուջեում պաշտպանության ոլորտի ծախսերն ավելացվելու են
Քաղաքականություն
10.05.2023 | 13:37
Ադրբեջանի նախագահ Իլհամ Ալիևը հայտարարել է, որ 2023 թվականի պետական բյուջեն վերանայելիս ավելացնելու են պաշտպանական ոլորտի ֆինանսավորումը, գրում են տեղական լրատվամիջոցները։
«Բանակի կառուցման հարցում մենք միշտ աշխատել ենք համակարգային ու շարունակելու ենք այդ աշխատանքը։ Ղարաբաղյան երկրորդ պատերազմից հետո մենք կանգ չենք առել, գնում ենք առաջ։ Այս տարվա պետբյուջեում լրացումներ են արվելու, նշանակալի մասը կրկին նախատեսված է պաշտպանական նպատակների համար։ Ինչո՞ւ, որովհետև մենք միշտ պատրաստ պետք է լինենք։ Վտանգներն ու սպառնալիքներն աճում են, մենք պետք է պատրաստ լինենք հաղթահարել ցանկացած սպառնալիք»,- հայտարարել է Ալիևը ժողովրդին ուղղված ուղերձում։
Հավելենք, որ Ադրբեջանի իշխանությունները 2023 թվականի պետական բյուջեում պաշտպանության և ազգային անվտանգության ոլորտի ֆինանսավորումն ավելացրել էին 4,6 տոկոսով՝ հասցնելով 5 մլրդ 320,1 մլն մանաթի (ներկա փոխարժեքով՝ 3 մլրդ 129,5 մլն դոլար)։
Պաշտպանության և ազգային անվտանգության ծախսերի կառուցվածքում 2023 թվականին պաշտպանության ոլորտի կարիքների համար նախատեսված է 2 միլիարդ 403,4 միլիոն մանաթ, ազգային անվտանգության՝ 364,2 միլիոն մանաթ, սահմանային ծառայության կարիքների համար՝ 470,8 միլիոն մանաթ։
Էմմա Չոբանյան
