07.10.2026 | 23:48
Արթուր Դանիելյանը կալանավորվեց
Մոսկվայում մեկնարկել է ՌԴ-ի, Թուրքիայի, Իրանի և Սիրիայի ԱԳ նախարարների հանդիպումը
Քաղաքականություն
10.05.2023 | 12:50
Մոսկվայում մեկնարկել է Ռուսաստանի, Թուրքիայի, Իրանի և Սիրիայի ԱԳ նախարարների քառակողմ հանդիպումը։ Այս մասին տելեգրամյան գրառմամբ հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
Նա նաև տեսանյութ է հրապարակել, որում երևում է, որ բանակցությունների սրահ են մտնում ՌԴ ԱԳ նախարար Սերգեյ Լավրովը, Թուրքիայի ԱԳ նախարար Մևլութ Չավուշօղլուն, Իրանի ԱԳ նախարար Հոսեյն Ամիր Աբդոլահիանն ու Սիրիայի ԱԳ նախարար Ֆեյսալ Միքդադը։
Հանդիպման հիմնական թեման սիրիական զարգացումներն են, թուրք-սիրիական հարաբերությունների կարգավորումը։
Հավելենք, որ 2011 թվականից ի վեր առաջին անգամ են հանդիպում Թուրքիայի և Սիրիայի ԱԳ նախարարները։ Ավելի վաղ Մոսկվայում հանդիպումներ էին տեղի ունեցել երկրների ՊՆ ու արտաքին հետախուզական ծառայությունների ղեկավարների մակարդակով։
Էմմա Չոբանյան
