19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Եթե նախապայմաններ չլինեին, սահմանը վաղուց բաց կլիներ. Բաբկեն Թունյան․ ՏԵՍԱՆՅՈՒԹ
Քաղաքականություն
10.05.2023 | 12:16
Զանգեզուրի միջանցքի թեման թուրք-ադրբեջանական թեզ է, որը տիրաժավորել է ՀՀ ընդդիմությունը․ այսօր հրավիրված ասուլիսում այս տեսակետը հայտնեցին Սևծովյան տնտեսական համագործակցության խորհրդարանական վեհաժողովում (ՍԾՏՀ ԽՎ) ՀՀ ԱԺ պատվիրակության ղեկավար Բաբկեն Թունյանը և պատվիրակության անդամ Գևորգ Պապոյան։
Բաբկեն Թունյանը,անդրադառնալով հարցին, թե արդյոք Թուրքիան Ադրբեջանի գործոնը որպես նախապայման չի՞ դիտվում հայ-թուրքական հարաբերություններում, ընդգծեց, որ Հայաստան-Թուրքիա հարաբերությունների կարգավորման համատեքստում հայկական կողմի թեզն այն է, որ Թուրքիան չպետք է կախվածության մեջ մտնի երրորդ երկրների հետ Հայաստանի հարաբերություններից:
«Մենք խոսում ենք առանց նախապայմանների հարաբերությունների կարգավորման մասին: Բնականաբար, եթե նախապայմաններ չլինեին, այդ սահմանը շուտվանից բացված կլիներ: Հիմա, եթե մեր առաջ նախապայմաններ են քաշում, մենք էլ ասում ենք, որ ունենք մեր կարմիր գծերը և տեսլականը: Իսկ դա այն է, որ երկրներն իրար հետ պետք է ունենան նորմալ հարաբերություններ: Երկու երկիր իրար հետ հարաբերությունները կարգավորելու ժամանակ չպետք է կախվածության մեջ մտնեն երրորդ երկրների հետ մեր հարաբերություններից»,- նշեց պատգամավորը:
Մանրամասները՝ տեսանյութում։
