Սաուդյան Արաբիան վերաբացել է դիվանագիտական ​​ներկայացուցչությունը Սիրիայում

Սաուդյան Արաբիան հայտարարել է Սիրիայում իր դիվանագիտական ներկայացուցչությունը վերաբացելու մտադրության մասին։ Դրա գլխավոր խնդիրը կլինի «համատեղ արաբական մոտեցման» զարգացումը, ասվում է երկրի ԱԳՆ հայտարարության մեջ, գրում է DW-ի ռուսական ծառայությունը։

Ավելի վաղ՝ մայիսի 7-ին, Արաբական պետությունների լիգայի մասն կազմող երկրների արտաքին գործերի նախարարները պաշտպանել էին կազմակերպությանը Սիրիայի անդամակցությունը երկարաձգելու որոշումը, որը դադարեցվել էր 2011 թվականի նոյեմբերին՝ նախագահ Բաշար ալ-Ասադի վարչակարգի կողմից Սիրիայում ժողովրդավարական ցույցերը կոշտ մեթոդներով ճնշելու պատճառով։

Բողոքի ցույցերը ճնշելուց հետո երկրում բռնկված հակամարտության ընթացքում մինչ օրս 500 հազար մարդ է զոհվել։ Միլիոնավոր մարդիկ ստիպված են եղել լքել իրենց տները, իսկ սիրիական ենթակառուցվածքներն ու արդյունաբերությունը մեծ հարված են ստացել:

Էր Ռիադը Դամասկոսի հետ դիվանագիտական հարաբերությունները խզել է 2012 թվականին։ Դրանից հետո Սաուդյան Արաբիան բացահայտորեն հանդես եկավ Ասադի վարչակարգի տապալման օգտին և քաղաքացիական պատերազմի ֆոնին աջակցեց սիրիացի ապստամբներին։

Սաուդյան Արաբիայի կողմից Դամասկոսում դիվանագիտական առաքելությունը վերաբացելու մասին հայտարարությունից ընդամենը մի քանի ժամ առաջ Թուրքիայի ԱԳՆ-ն հայտարարել է Մոսկվայի, Դամասկոսի, Անկարայի և Թեհրանի բարձրաստիճան դիվանագետների հանդիպման մասին, որը նախատեսված է մայիսի 10-ին Ռուսաստանի մայրաքաղաքում։ Բանակցությունների նպատակը «կարծիքների փոխանակումն է Թուրքիայի և Սիրիայի միջև հարաբերությունների կարգավորման,  ինչպես նաև այժմ Թուրքիայում գտնվող 3,7 միլիոն սիրիացի փախստականների՝ իրենց հայրենիք «կամավոր վերադարձի» մասին։

Տաթև Ֆռանգյան