15.01.2026 | 22:57
ՀՀ ԱԳ փոխնախարարը և Կարլ Կրեսը քննարկել են օգոստոսի 8-ի հուշագրերի իրականացմանն ուղղված քայլերը
ՀՀ-ն ճնշման գործի՛ք տվեց Թուրքիային՝ արձանը դնելով. բայց չապամոնտաժե՛լ թուրքական հիստերիայի տակ. Արեգ Քոչինյան․ ՏԵՍԱՆՅՈՒԹ
Քաղաքականություն
09.05.2023 | 21:02
ՀՀ ԱԽ քարտուղար Արմեն Գրիգորյանն այսօր արձագանքեց Չավուշօղլուին՝ ասելով, որ «Նեմեսիսի» արձանի տեղադրումը Երևանում Հայաստանի ներքին գործն է։ Թուրք պաշտոնյան պահանջ էր ներկայացրել ՀՀ-ին՝ հեռացնել արձանը, և սպառնալիք է ձևակերպել՝ նորմալացման պրոցեսի հավանական կասեցումը։
Անվտանգային քաղաքականության հետազոտական կենտրոնի ղեկավար, քաղաքագետ Արեգ Քոչինյանին հարց ուղղեցինք՝ իր գնահատմամբ՝ ՀՀ իշխանությունները հաշվարկե՞լ են հավանական ռիսկերը, այսպես ասած, արձանը հենց հիմա դնելու ազդեցության գնահատական ունեցե՞լ են, թե՞ ոչ։ Արեգ Քոչինյանը խիստ կասկածում է, որ ՀՀ իշխանությունը հաշվարկած լինի քաղաքական և դիվանագիտական հետևանքները։
Նա համարում է, որ ինչպես բազմաթիվ արտաքին քաղաքական այլ հարցերի պարագայում, այս անգամ նույնպես հաշվարկ չի իրականացվել։
«Մեծագույն սխալ էր «Նեմեսիսի» արձան տեղադրել։ Մի խելքը գլխին մարդ չկա՞ր իշխանությունում, ասեր՝ ի՞նչ եք անում էս նեղ մաջալին։ Իշխանությունը ո՞ր հարցն է հաշվարկել, որ սա աներ։ Հպարտ ու հայրենասեր արձան տեղադրելով չեն դառնում։ ՀՀ-ն գործիք տվեց Թուրքիային, որ ճնշեն մեզ, բայց Թուրքիայի հիստերիայի տակ անընդունելի կլինի արձանն ապամոնտաժել»,- ասաց Արեգ Քոչինյանը։
Հարցազրույցն ամբողջությամբ՝ տեսանյութում։
Ռոբերտ Անանյան
