07.10.2026 | 23:48
Արթուր Դանիելյանը կալանավորվեց
Ռուսական զորքերն այդպես էլ չկարողացան գրավել Բախմուտը մինչև մայիսի 9-ը․ Զելենսկի
Քաղաքականություն
09.05.2023 | 20:38
Ուկրաինայի նախագահ Վլադիմիր Զելենսկին հայտարարել է, որ ռուսական ուժերը չեն կարողացել գրավել Բախմուտը մինչև մայիսի 9-ը՝ Երկրորդ համաշխարհային պատերազմում նացիստական Գերմանիայի դեմ Խորհրդային միության հաղթանակի տարեդարձը, փոխանցում է VOA-ն։
Հիշեցնենք, որ կիրակի ուկրաինացի գեներալը հայտարարել էր, որ Ռուսաստանը դեռ հույս ունի գրավել Բախմուտը մինչև Հաղթանակի օրվան նվիրված տոնակատարությունների մեկնարկը։
Ուկրաինայի ԶՈՒ ներկայացուցիչը հայտնել է, որ Բախմուտի համար մարտերը շարունակվել են նաև մայիսի 9-ին։
Ուկրաինայի ցամաքային զորքերի հրամանատար, գեներալ-գնդապետ Ալեքսանդր Սիրսկին այսօր նույնպես ասել էր, որ ռուսական զորքերն ուժեղացրել են Բախմուտի հրետակոծությունը ծանր զինատեսակներից, օգտագործում են ավելի ժամանակակից սպառազինություն և վերախմբավորում են զորքերը:
Երբեմնի 70,000 բնակչություն ունեցող քաղաքի համար կռիվը խորհրդանշական նշանակություն ունի երկու կողմերի համար: Ուկրաինան շարունակում է վերահսկել քաղաքի մի շարք թաղամասեր ավելի քան 10 ամիս շարունակվող ռուսական կանոնավոր զորքերի և «Վագներ» ռազմականացված խմբավորման դեմ կատաղի մարտերից հետո։
Կիևն ավելի վաղ հայտարարել էր, որ պաշտպանելով Բախմուտը՝ իր զինվորականներին հնարավորություն է տալիս պատրաստվել հակահարձակման։
