06.06.2026 | 13:05
Հայտնի է Հայաստանի հավաքականի հայտացուցակը Ղազախստանի դեմ խաղում․ ԼՈՒՍԱՆԿԱՐ
Մոսկվան և Բաքուն կշարունակեն ամրապնդել ռազմավարական գործընկերությունը․ Մատվիենկոն՝ Ադրբեջանի Մեջլիսի նախագահին
Քաղաքականություն
09.05.2023 | 21:22
Ռուսաստանը և Ադրբեջանը կշարունակեն ամրապնդել բարեկամության և ռազմավարական գործընկերության կապերը։ Այս մասին հայտարարել է ՌԴ Դաշնային խորհրդի նախագահ Վալենտինա Մատվիենկոն Ադրբեջանի Մեջլիսի նախագահ Սահիբա Գաֆարովային ուղղված Հաղթանակի օրվան նվիրված նամակում։
«Վստահ եմ, որ մենք կշարունակենք ամրապնդել Ռուսաստանի և Ադրբեջանի միջև բարեկամության, ռազմավարական գործընկերության և դաշնակցային կապերը, որոնց ժողովուրդները միասին անցել են Հայրենական մեծ պատերազմի դաժան փորձությունների միջով»,- գրել է Մատվիենկոն։
Նա նշել է, որ գիտեն՝ «ինչ գնով է տրվել հաղթանակը և սրբորեն հարգում են ադրբեջանցիների ռազմական և աշխատանքային սխրանքները»։
Հավելենք, որ օրերս էլ Ադրբեջանում ՌԴ դեսպան Միխայիլ Բոչարնիկովը հայտարարել էր, որ ոչ ոք չի կարող սեպ խրել Բաքվի ու Մոսկվայի հարաբերություններում։
«Կարծում եմ, որ ճիշտ ժամանակն ու տեղն է վստահություն հայտնելու, որ ոչ ոքի չի հաջողվի սեպ խրել մեր բարիդրացիական հարաբերություններում և կանխել խոշոր տարածաշրջանային նախագծերի զարգացումը, ինչպիսին է Հյուսիս-Հարավ միջազգային տրանսպորտային միջանցքը»,- ասել էր ռուսաստանցի դիվանագետը։
Էմմա Չոբանյան
