14.09.2026 | 15:51
Հաջիևը վիրավորեց հայ ազգին, իշխանությունն ասում է` չխոսենք, չսրենք. սա վախի նշան է. Գառնիկ Դավթյան․ ՏԵՍԱՆՅՈՒԹ
Ցուցարարները Լեհաստանում ՌԴ դեսպանին թույլ չեն տվել ծաղիկներ դնել հիշատակի գերեզմանատանը․ մեկ տարի առաջ այս օրը դիվանագետի վրա կարմիր ներկ էին լցրել
Քաղաքականություն
09.05.2023 | 20:14
Մայիսի 9-ին Լեհաստանում ՌԴ դեսպան Սերգեյ Անդրեևին չի հաջողվել ծաղիկներ դնել Վարշավայում հիշատակի գերեզմանատանը։ Ցուցարարները շրջապատել են նրան և նրան թույլ չեն տվել գնալ խորհրդային զինվորների հուշարձանի մոտ։ Դեսպանի և ցուցարարների մասնակցությամբ տեսանյութը հրապարակել է ՌԻԱ Նովոստին։
Վարշավայի հուշահամալիրում աշխատող ոստիկանները, ՏԱՍՍ-ի փոխանցմամբ, ռուս դիվանագետներին ասել են, որ իրենք որևէ պատճառ չունեն միջամտելու ցուցարարների գործողություններին։
Անցյալ տարի՝ 2022 թվականին ևս Լեհաստանում ՌԴ դեսպանին թույլ չէին տվել ծաղիկներ դնել գերեզմանատանը։ Այն ժամանակ «Ֆաշիստներ» բացականչություններով Անդրեևի վրա կարմիր ներկ էին լցրել։
ՌԴ ԱԳՆ-ն «վճռական բողոք» էր հայտնել և Լեհաստանի իշխանություններից պահանջեց ռուս դիվանագետներին ծաղիկներ դնելու հնարավորություն տալ։ Լեհաստանի ԱԳՆ-ն, սակայն, ընդամենը «ափսոսանքի արժանի» էր անվանել ՌԴ դեսպանի վրա հարձակման հետ կապված միջադեպը։
Տաթև Ֆռանգյան
