06.06.2026 | 19:05
Բիթքոյնը կորցնում է գրավչությունը․ ներդրողները նախընտրում են AI ընկերություններն ու խոշոր IPO-ները
Կարևորը ՌԴ ռազմական մեքենայի ոչնչացումն է․ Ուրսուլա ֆոն դեր Լեյենը՝ Կիևում
Քաղաքականություն
09.05.2023 | 17:50
Ուկրաինայի նախագահ Վլադիմիր Զելենսկին և Կիևում գտնվող Եվրահանձնաժողովի ղեկավար Ուրսուլա ֆոն դեր Լեյենը համատեղ մամուլի ասուլիսով են հանդես եկել։ Լեյենն Ուկրաինան անվանել է «եվրոպական արժեքների բաբախող սիրտը», գրում է BBC-ի ռուսական ծառայությունը։
Նրա խոսքով՝ Ուկրաինան այսօր ամենահարմար վայրն է՝ եվրոպական միասնության և խաղաղության օրը նշելու, պատմության դասերը վերաիմաստավորելու և ավելի լավ ապագայի ուղղություն սահմանելու համար։
«Պուտինն ու նրա ռեժիմը ոչնչացրել են այդ գաղափարներն իրենց երկրում և հիմա փորձում են դրանք ոչնչացնել Ուկրաինայում»,- ասել է Եվրահանձնաժողովի ղեկավարը՝ հավելելով, որ ագրեսորն արդեն իսկ դրամատիկ պարտություն է կրել, իսկ Ուկրաինան, ըստ անհրաժեշտության, կարող է հույս դնել Եվրոպայի օգնության վրա։
Նա վստահեցրել է, որ Եվրոպան ամեն ինչ անում է՝ Պուտինի ռազմական մեքենան և դրա շահառուներին ոչնչացնելու համար։ Դրա հիմնական մեխանիզմներից մեկը, ըստ ֆոն դեր Լեյենի, հակառուսական պատժամիջոցներն են, որոնք է՛լ ավելի են խստանալու։
Խոսելով ԵՄ-ին Ուկրաինայի անդամակցության գործընթացի մասին՝ Եվրահանձնաժողովի ղեկավարն ասել է, որ դա անելու համար Կիևը պետք է իրականացնի յոթ բարեփոխումներ, որոնք ներկայացրել է Եվրամիությունը՝ որպես երկիրը դաշինք ընդունելու պայման։
Էմմա Չոբանյան
