16.12.2025 | 09:54
Սպասվում է ձյուն և ձնախառն անձրև, օդի ջերմաստիճանը կնվազի
Իմ տղան միայնակ է եղել, եթե օգնություն լիներ, այսօր այստեղ չէր լինի․ նահատակվածի հայր․ ՏԵՍԱՆՅՈՒԹ
Հասարակություն
09.05.2023 | 15:07
Հաղթանակի խորհուրդը մեր գեների մեջ է պահպանվել․․․ Մեր սերունդներն ապացուցում են, որ իրենք միշտ կանգուն են։ Գալու է օրը, ես հավատում եմ, ու ետ ենք բերելու այն, ինչ կորցրեցիքն, ինչը մերն է եղել, մերն է լինելու, միանշանակ։ Այս մասին Factor TV-ի հետ զրույցում նշեց զոհված զինծառայող Էդուարդ Հարությունյանի հայրը՝ Թելման Հարությունյանը։
«2022թ․ սեպտեմբերի 13-ին Ադրբեջանի կողմից սանձազերծված հարձակման հետևանքով 3 օրում կորցրեցինք ավելի քան 280 մարդ, որոնց թվում էր նաև իմ որդին։
Էդուարդը մեկ տարի երեք ամիս ծառայել է Կապանում, հետախուզական վաշտում։ Ծառայության ընթացքում ցուցաբերել է լավագույն արժանիքներ, ստացել է մեդալներ․․․
Սեպտեմբերի 13-ին սկսված ագրեսիայի ժամանակ վազել է առաջ, հրամանատարների հետ միասին, որպեսզի իր մարտական ընկերներին հասնի, բայց դեռ մարտական դիրքեր չհասած՝ ճանապարհին վիրավորվել է, անձնուրաց կերպով պայքարել է, որպեսզի հասնի նշանակետը, բայց այլևս նրա օրագնիզմը չի դիմակայել, քանի որ բավականին շատ արյուն է կորցրած եղել։
Իրավիճակն այնպիսին է եղել, որ նա տեղակայման վայրում գտնվել է մենակ, միգուցե եթե ինչ-որ միջոց լիներ և օգնության հասնող լիներ, ինքն այսօր «Եռաբլուրում» չլիներ»,- նշեց Հարությունյանը։
Մանրամասները՝ տեսանյութում։
