16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Հորդանանը հարվածել է Սիրիայում թմրանյութերի ապօրինի շրջանառության հետ կապված թիրախներին
Քաղաքականություն
09.05.2023 | 22:36
Հորդանանը մայիսի 8-ին ավիահարվածներ է հասցրել Սիրիայի հարավին՝ թիրախավորելով Իրանի հետ կապված թմրանյութերի գործարանն ու ոչնչացնելով թմրավաճառներին: Այս մասին հայտնում է Reuters-ը՝ հղում անելով տեղական աղբյուրներին ու հետախուզությանը։
Նշվում է, որ հարձակման է ենթարկվել սիրիական Դերաա նահանգում գտնվող թմրանյութերի լքված օբյեկտը, որը կապված է լիբանանյան «Հըզբոլլահ» խմբավորման հետ։
Սիրիացի նարկոբարոն Մարի ալ-Ռամթանն ու նրա ընտանիքը սպանվել են Հորդանանի հետ սահմանի մոտ գտնվող Սվեյդա նահանգի Շաաբ գյուղի վրա հերթական հարվածից:
Հորդանանի հետախուզության տվյալներով՝ Ռամթանը, որը հարավային Սիրիայի հայտնի թմրավաճառներից է, հարյուրավոր բեդվին քոչվորների է հավաքագրել՝ միանալու Իրանի հետ կապված աշխարհազորայինների շարքերին:
Տաթև Ֆռանգյան
