08.10.2026 | 16:57
ՀՖՖ. Եղիշե Մելիքյանն ունի ՀՀ քաղաքացիություն
ԱՄՆ-ն Էստոնիա է ուղարկում F-22 նորագույն կործանիչներ
Քաղաքականություն
09.05.2023 | 17:15
ԱՄՆ ռազմաօդային ուժերը 5-րդ սերնդի F-22 Raptor բազմանպատակային կործանիչների էսկադրիլիա են տեղակայել Տալլինի (Էստոնիա) մոտ գտնվող Էմարի ավիաբազայում։ Այս մասին հայտնել են ԱՄՆ ռազմաօդային ուժերի հրամանատարությունից։
«ԱՄՆ ռազմաօդային ուժերի հինգերորդ սերնդի կործանիչները, որոնք ՆԱՏՕ-ի միացյալ ուժերի արևելյան թևի երկայնքով օդային պաշտպանության առաքելություն են իրականացնում, մայիսի 8-ին իրականացրել են Agile Combat Employment տեղակայումն Էստոնիայի Էմարի ավիաբազայում՝ Բալթիկ ծովի տարածաշրջանում ագրեսիան զսպելու համար»,- ասվում է հաղորդագրության մեջ։
Ապրիլի սկզբին էլ ԱՄՆ-ից 12 միավոր F-22 կործանիչներ են տեղափոխվել Լեհաստանի Պովիդզ ավիաբազա՝ ՆԱՏՕ-ի արևելյան թևի հակաօդային և հակահրթիռային պաշտպանության համատեղ կարողությունները լրացնելու առաքելություն ապահովելու նպատակով:
Լատվիայում իսպանական զինված ուժերը տեղակայել են NASAMS հակաօդային պաշտպանության համակարգը, իսկ Էստոնիայում տեղակայված բրիտանական Typhoon կործանիչները պարեկություն են իրականացնում Բալթյան երկրների օդային տարածքում:
«Բալթյան երկրները՝ Էստոնիան, Լատվիան և Լիտվան, գտնվում են կարևոր օդային, ցամաքային և ծովային միջանցքում, որը պահանջում է Դաշինքի անդամների համակարգված մոտեցում՝ պահպանելու և աջակցելու միջազգային մանևրելու ազատությունն ամբողջ տարածաշրջանում»,- ընդգծել են ԱՄՆ ռազմաօդային ուժերից։
Տաթև Ֆռանգյան
