Եթե կա հինգերորդ շարասյուն, կան դավաճաններ, թող ներկայացնեն՝ ովքեր են․ Սեյրան Օհանյան․ ՏԵՍԱՆՅՈՒԹ

«Խելացի պետության մեջ, եթե լինում են այլ երկրների գործակալներ, բայց ոչ թե միանգամից հայտնում են այդ գործակալների մասին, այլ փորձում են այդ գործակալների հետ աշխատել և այդ ամենն ուղղել հակառակ կողմի վրա»,- այս մասին այսօր «Եռաբլուր» զինվորական պանթեոնում լրագրողների հետ զրույցում նշեց «Հայաստան» խմբակցության ղեկավար Սեյրան Օհանյանը՝ անդրադառնալով իշխանության ներկայացուցիչների կողմից պարբերաբար հնչող հայտարարություններին 5-րդ շարասյան, դասալիքների ու օտարերկրյա գործակալների մասին։

«Եթե կա հինգերորդ շարասյուն, կան դավաճաններ, թող ներկայացնեն՝ ովքեր են։

Այն, որ պարտությունը տեղի է ունեցել այս իշխանության օրոք, իրավիճակի համար պատասխանատու են ՀՀ իշխանության բոլոր թևերը՝ և գործադիր, և օրենսդիր մարմինները՝ ընդ որում և նախկին և ներկա, դա միանշանակ է, որովհետև պետք է ժողովրդին համախմբեիին և միասին մեր պետությունը դնեին ռազմական ռելսերի վրա, այն, որ իրենք պետք է մեր բանակին թիկունք կանգնեին, շարունակական դարձնեին մեր բանակի համալրումը, միանանշանակ է։

Դատաիրավական ամբողջ համակարգը պատերազմի ժամանակ մատը մատին չի խփել օրինականություն հաստատելու համար, դա էլ է միանշանակ»,- նշեց Օհանյանը։

Նշենք, որ այսօր էլ ՔԿ նախագահ Արգիշտի Քյարամյանը «Հաղթանակ» զբոսայգում լրագրողների հետ զրույցում անդրադառնալով այս թեմային՝ նշել է․ «5-րդ շարասյուն կար ու ենթադրում եմ՝ հիմա էլ կա, բայց կգա ժամանակը, երբ մեր հասարակությունը կստանա իրեն հուզող բոլոր հարցերի պատասխանը, հստակ կիմանա՝ ովքեր են 5-րդ շարասյան ներկայացուցիչները, ում պատճառով ու ինչի պատճառով պարտվեցինք ու պարտության հանգամանքները ոնց սկսվեցին ու ոնց ավարտվեցին»։

Մանրամասները՝ տեսանյութում։