24.02.2026 | 18:18
Վահագն Խաչատուրյանին իր հավատարմագրերն է հանձնել ՀՀ-ում Պաղեստինի առաջին դեսպան Իսա Կասիսիենին
Ալիևը գրավյալ Շուշիում Աթաթուրքի անունը կրող փողոց է բացել
Քաղաքականություն
09.05.2023 | 15:31
Վերջին մի քանի օրերին Ադրբեջանի նախագահ Իլհամ Ալիևն ու նրա կինը՝ Մեհրիբան Ալիևան, այցելում են Արցախի գրավյալ տարածքներ ու սեփական հանրությանը քարոզչական հերթական շոուն մատուցում։ Նախօրեից էլ Ալիևներն Արցախի գրավյալ հայկական Շուշիում են։
Ադրբեջանական լրատվամիջոցների հաղորդմամբ՝ Ալիև ամուսիններն այսօր մասնակցել են մի շարք օբյեկտների բացմանն ու հիմնարկեքի արարողությունների, որոնց շարքում առանձնանում է Աթաթուրքի անունը կրող փողոցի բացումը։ Ալիևը մասնակցել է փողոցի ցուցանակի բացման արարողությանը։
Ի դեպ, մայիսի 9-11-ը Բաքվի իշխանությունները Շուշիում երաժշտական փառատոն են անցկացնում, որին մասնակցելու են կատարողներ և երաժշտական խմբեր Ղազախստանից, Ղրղզստանից, Հունգարիայից, Մոլդովայի Գագաուզիայի մարզից, Ուզբեկստանից, Թուրքիայից, Թուրքմենստանից, չճանաչված Հյուսիսային Կիպրոսից, Ռուսաստանի Դաշնության Ալթայի, Խակասիայի, Սախայի, Թաթարստանի և Տուվայի հանրապետություններից։
Էմմա Չոբանյան
