02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Ադրբեջանի և Մոլդովայի նախագահները չեն մասնակցել Մոսկվայում Հաղթանակի օրվա տոնակատարություններին․ որ երկրների ղեկավարներն են ներկա գտնվել
Քաղաքականություն
09.05.2023 | 13:26
ՌԴ ղեկավար Վլադիմիր Պուտինը Հայաստանի, Բելառուսի, Ղազախստանի, Ուզբեկստանի, Ղրղզստանի, Տաջիկստանի և Թուրքմենստանի գործընկերների հետ միասին ծաղկեպսակ է դրել Մոսկվայի Ալեքսանդրի այգում գտնվող Անհայտ զինվորի գերեզմանին։ Այս մասին հայտնում է ՌԻԱ Նովոստին։
Հաղթանակի տոնին նախորդող օրը Ռուսաստան են ժամանել ԱՊՀ երկրներից գործընկերները։ ՌԴ նախագահի հետ նրանք դիտել են Կարմիր հրապարակում անցկացվող շքերթը։
Տոնակատարություններին ժամանածների թվում են ԱՊՀ գրեթե բոլոր երկրների ղեկավարները՝ Հայաստանի վարչապետ Նիկոլ Փաշինյանը, Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաևը, Ղրղզստանի նախագահ Սադիր Ջապարովը, Տաջիկստանի նախագահ Էմոմալի Ռահմոնը, Թուրքմենստանի և Ուզբեկստանի նախագահներ Սերդար Բերդիմուհամեդովն ու Շավքաթ Միրզիյոևը։
Այսպիսով, ԱՊՀ անդամ երկրներից միայն Ադրբեջանի և Մոլդովայի ղեկավարները չեն ժամանել Մոսկվա։
Ավելի վաղ Կրեմլից հայտնել էին, որ Պուտինը տոնակատարություններին մասնակցելու հրավեր է ուղարկել ԱՊՀ անդամ բոլոր պետությունների ղեկավարներին։
Տաթև Ֆռանգյան
