20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
«Ռուսաստանը երախտապարտ է ԱՊՀ երկրների առաջնորդներին, ովքեր հարգում են Հաղթանակի օրը և եկել են Մոսկվա». Պեսկով
Քաղաքականություն
09.05.2023 | 14:25
Անկախ պետությունների համագործակցության (ԱՊՀ) անդամ շատ երկրներ նշում են Հաղթանակի օրը: Ռուսաստանը երախտապարտ է այն պետությունների ղեկավարներին, ովքեր ժամանել են Մոսկվա՝ տոնակատարություններին մասնակցելու համար։ ՏԱՍՍ-ի հաղորդմամբ՝ այս մասին ասել է ՌԴ նախագահի մամուլի քարտուղար Դմիտրի Պեսկովը։
«Մայիսի 9-ը շարունակում է մնալ նախկին Խորհրդային միության ժողովուրդների գլխավոր տոներից մեկը, և ԱՊՀ անդամ շատ երկրներ մինչ օրս այն համարում են սուրբ օր, որը պետք է նշվի: Եվ, իհարկե, այս դեպքում մենք շատ երախտապարտ ենք մեր հյուրերին, քանի որ նրանք հնարավոր համարեցին այս օրը լինել մեր նախագահի կողքին, լինել մեզ հետ»,- ասել է Կրեմլի խոսնակը։
Հիշեցնենք, որ Մոսկվայում տոնակատարություններին իրենց ներկայությունը հաստատել էին Հայաստանի վարչապետը, Բելառուսի, Ղազախստանի, Ղրղզստանի, Տաջիկստանի, Ուզբեկստանի նախագահները։
ՏԱՍՍ-ը, հղում անելով իր դիվանագիտական աղբյուրներին, հայտնել է, որ Մոսկվայում կայանալիք շքերթին ներկա կլինի նաև Թուրքմենստանի նախագահ Սերդար Բերդիմուհամեդովը։
Տաթև Ֆռանգյան
