08.10.2026 | 13:00
Բենզինի պահեստում պայթյունի ժամանակ զոհվածներից 70-ը եղել են ԱԱԾ, ՆԳՆ աշխատակիցներ և ՊՆ ծառայողներ․ ՏԵՍԱՆՅՈՒԹ
Իսրայելը հարվածներ է հասցրել Գազայի հատվածին
Քաղաքականություն
09.05.2023 | 12:02
Իսրայելական բանակը հայտնել է, որ երեքշաբթի՝ մայիսի 9-ի գիշերը, հարվածներ է հասցրել Գազայի հատվածում գտնվող «Իսլամական ջիհադ» արմատական պաղեստինյան խմբավորման թիրախներին։ Հարվածները հաջորդել են Գազայից իսրայելական տարածքի հրթիռակոծություններին, գրում է DW-ի ռուսական ծառայությունը։
Պաղեստինյան կողմի տվյալներով՝ Իսրայելի հարվածների հետևանքով առնվազն 10 մարդ է զոհվել, նույնքան էլ՝ վիրավորվել։ «Saraya al-Quds»-ը, որը «Իսլամական ջիհադի» զինված թևն է, հայտնել է իր դաշտային երեք հրամանատարների զոհվելու մասին։ Սպանվել են նաև նրանց կանայք և որդիները:
Հերթական սրման պատճառն իսրայելական բանտում ամիսներ տևած հացադուլից հետո «Իսլամական ջիհադի» բարձրաստիճան ներկայացուցչի մահն էր։ Գազայում արմատականները հայտարարեցին պատասխան հարվածների մասին, որից հետո Իսրայելի տարածքը մի քանի օր շարունակ հրթիռակոծվում էր։ Հարավային Իսրայելի բնակիչներին իշխանությունները խնդրում են մնալ ապաստարանների մոտ, մի շարք բնակավայրերում փակ են դպրոցները և առանձին փողոցներով երթևեկությունը:
