25.07.2026 | 19:11
Հայաստանն ու Իրանը կստեղծեն գազի առևտրի հարցերով զբաղվող աշխատանքային խումբ
ԱՄՆ-ը կհայտարարի Ուկրաինային 1,2 մլրդ դոլարի երկարաժամկետ օգնություն հատկացնելու մասին
Քաղաքականություն
09.05.2023 | 13:50
ԱՄՆ-ն այսօր հայտարարելու է Ուկրաինային անվտանգության ոլորտում 1,2 միլիարդ դոլարի երկարաժամկետ օգնություն տրամադրելու մասին։ Այս մասին հաղորդում են ամերիկյան լրատվամիջոցները՝ վկայակոչելով խնդրին ծանոթ աղբյուրների, գրում է BBC-ի ռուսական ծառայությունը։
CNN-ը հաղորդում է, որ փաթեթն իր մեջ ներառում է անօդաչուներ, հրետանային արկեր և հրթիռներ հակաօդային պաշտպանության համակարգերի համար, ինչպես նաև այլ զինատեսակներ։
Նշվում է, որ օգնությունը տրամադրվելու է Ուկրաինայի անվտանգության աջակցության նախաձեռնության (USAI) շրջանակում, որի նպատակն է երկարաժամկետ հեռանկարում բավարարել Ուկրաինայի անվտանգության կարիքները: Զինատեսակները գնվելու են ուղիղ արտադրողներից և չեն տրամադրվելու Պենտագոնի պաշարներից։
Ըստ ամերիկացի պաշտոնյաների՝ ռուսական ներխուժումից ի վեր ԱՄՆ-ն Ուկրաինային արդեն շուրջ 37 մլրդ դոլարի ռազմական օգնություն է տրամադրել։
Էմմա Չոբանյան
