06.05.2024 | 11:13
Մետրոն այսուհետ կգործի մինչև կեսգիշեր․ Ավինյան. ՏԵՍԱՆՅՈՒԹ
Նիկոլ Փաշինյանը Մոսկվայում կմասնակցի ոչ պաշտոնական նախաճաշի
Քաղաքականություն
09.05.2023 | 10:44
ՀՀ վարչապետ Նիկոլ Փաշինյանը Մոսկվայում կմասնակցի ոչ պաշտոնական նախաճաշի։ Այս մասին հայտնել է Ռուսաստանի նախագահի մամուլի քարտուղար Դմիտրի Պեսկովը, գրում է ՌԻԱ Նովոստին։
Նրա խոսքով՝ Հաղթանակի շքերթի ժամանակ Մոսկվա ժամանած պետությունների ղեկավարներն ամբիոնում կլինեն Վլադիմիր Պուտինի կողքին, այնուհետև նրանք բոլորը միասին ծաղկեպսակներ կդնեն Անհայտ զինվորի գերեզմանին։ Նախատեսվում է նաև ոչ պաշտոնական նախաճաշ:
Հավելենք, որ այսօր Մոսկվայի Կարմիր հրապարակում տեղի կունենա ֆաշիզմի դեմ տարած հաղթանակի 78-րդ տարեդարձին նվիրված ավանդական զորահանդեսը, որին այս տարի Ռուսաստանի նախագահը հրավիրել է ԱՊՀ անդամ բոլոր երկրների ղեկավարներին։ Ըստ այս պահին առկա տեղեկությունների՝ Մոսկվա են ժամանել Հայաստանի, Բելառուսի, Ղազախստանի, Ղրղըզստանի, Տաջիկստանի և Ուզբեկստանի ղեկավարները։
Դեռևս հայտնի չէ, թե արդյոք տոնակատարություններին կմասնակցեն Ադրբեջանի և Թուրքմենստանի նախագահներ Իլհամ Ալիևն ու Սերդար Բերդիմուհամեդովը։
Տաթև Ֆռանգյան
